湯品小棧 (已結業)

由4月頭到5月，因為朋友生日，屋企人又勁多聚會，不斷食好西，真係要食清d平衡下。飲熱湯既暖胃又唔滯就啱矖。之前發現呢間湯品店，至今已經幫襯第三次，足料燉湯有好多款比你簡，種類多，湯底多款式，無味精，又健康。今次揀左瑪卡燉湯，因為見到可以增強耐力，增強體力，增強免疫力！真係好啱經常Ot嘅我。燉湯咸鮮味適中，飲曬都唔會口渴！另外，我最鍾愛係呢度嘅黑松露燉蛋，蛋嘅滑度好似加左鮮奶咁樣，而且調味料裏面完全冇落鹽，一個非常滿足而健康嘅晚餐。價錢尚算公道，而且服務員的服務態度值得嘉許。態度好親切，令人地都好想再返嚟。