菓一道健康餐廳 (已搬遷) 新店位置

平時中午好多人，今次夜晚8點到餐廳，竟然冇乜人，有三分二都係吉位，二個人可以寬敞的卡位。是日晚餐有四個選擇，不過唔岩食，叫左餐牌的野，其實都可以加廿蚊轉餐，有餐包、餐湯、指定飲品（蜂蜜綠茶／黑豆漿...）、甜品（是日甜品：薏米綠豆／果凍）我叫左個帶子番茄天使面跟餐。餐包：黑芝麻包仲好熱皮脆，有好香芝麻味，good！餐湯：南瓜忌廉湯質感不結不稀，味道不濃不淡，吃得出應該沒有加味精，好飲！主菜：帶子番茄天使面都幾大碟，有四粒帶子，帶子上面有d魚子，有d日式，有好多蔬菜，而且都好多番茄汁，不過我覚得今日個汁好似咸左少少，一路食一路覚好渴，飲左好多水，另外我覚得天使面太多，我今日好肚餓都食唔哂。甜品：果凍個質感好似膠膠的大菜糕，有d怪，味道也好似不太新鮮，果味欠奉，入面有三粒椰果，但感覺好似番雪左好耐，質感同味道都變左。我朋友食左一小囗已經唔食，不過我費事浪費食物都食哂。