素食軒 (已結業)

最近食得太多熱氣野想食齋啲，於是就揀左食齋，呢度三餸一湯都只係＄38 ，學生架仲要平＄3 ，可以話非常之抵食。佢每日嘅餸都唔一樣，呢日啲餸都好啱，最後我揀咗魚香茄子，苦瓜炒蛋，同埋芥菜炒大白菜。老闆娘好好，肯俾多飯，仲要加番茄汁俾我。苦瓜炒蛋苦瓜味唔突出，完全唔苦，苦瓜同蛋完全融為一體，入口即化。芥菜炒大白菜啲菜煮得好淋，但係仍然都係有好多菜汁，芥菜同大白菜配合得好好，食完感覺好清新。魚香茄子因為係齋所以並無魚係入面，但係都幾好食。