INN - I’m Not Nothing (已結業)

今晚經過元朗鷄地見到呢間新餐廳INN, 起初都唔明係咩意思，睇真D原來係I’m Not Nothing。餐廳外觀設計清新、用咗好多綠色植物去點綴，滿滿嘅田園味道，望埋餐牌見食西餐嘅，價錢合理，可以入去試吓。主食有幾款都想食，見隔離檯個波士頓龍蝦牛肝菌意大利飯好好味咁，我都跟住點呢個先。上枱時見賣相好靚，有半隻龍蝦，好吸睛。蝦肉鮮甜爽口。而意大利飯好好味，米飯索曬滿滿嘅醬汁香味，濃稠適中，食不停口。甜品點了法式班戟：榛子朱古力和香蕉味道，相信呢個組合一定穩陣。法式班戟賣相好豐富，餅皮口感煙韌軟熟，配上Nutella醬和香蕉，加埋cream 一齊食，味道好夾，又唔會太甜。呢度感覺好舒服，而且食物味道唔會好濃，感覺健康，下次再黎試埋其他野先。