馬祖台灣養生湯麵館 (留仙街) (已結業)

琴日出咗街，唔想趕返屋企煮晚飯，就同女女食埋飯先返屋企。選擇咗天后嘅馬祖，因為餐廳嘅菜式都標榜健康同養生，價錢大眾化，加上下午茶時段更加優惠。下午五點去到，可以揀下午茶餐牌，囡囡食咗個 鍋燒牛肉飯，下午茶細碗啲，啱曬囡囡食，加六蚊叫咗杯凍柑桔檸檬。我就叫咗藥膳花膠醉雞，好補身，入面有兩三塊花膠，仲有好多紅棗和杞子。個汁係好濃酒味，我飲到一滴不漏。今次好幸運，有兩件雞髀位，比雞胸滑嫩。另外我仲加咗上湯時蔬，有啲菜更加健康。佢哋嘅鹵水雞翼小食，都好好味，好入味😋😋