鳳鳴石磨腸粉 (已結業)

新蒲崗采頤花園都有鳳鳴石磨腸粉，之前去過觀塘廣場既第一間店，食過已經好鐘意，依舊想念的口味，所以今次工作上經過采頤花園都一定要試試佢地既分店。首創紅黑米腸粉，含有豐富既膳食纖維，新鮮當日磨即叫即整米香四溢。最鐘意佢哋既石磨豬肉腸，秘製豉油恰到好處，味道咸甜適中，唔會好咸，記得另外要加配料炸蒜、芫茜同勁辣既紫天椒，味道多種層次！食過翻尋味。小店旁邊有張檯仔比客人企喺度立食，我覺得咁樣即整即食幾新鮮。