鳳鳴石磨腸粉 (已結業)

尋日經過見到，試左佢既紅糯米雞蛋豬肉腸粉同黑糯米豬潤腸粉，覺得有蛋既更加好食，於是今日再試下原味雞蛋腸同蔥花蝦米腸。依然都係咁好味。因為唔想又拎外賣膠盒所以今日帶左自備盒來買，返到屋企先發現原來佢仲每個腸粉計我減一蚊😄下次有機會再經過時會再幫襯😋

昨天我原本一早已經計劃光顧「采頤花園」商店街裡面的石磨手拉腸粉店「鳳鳴石磨腸粉」，但是因為當日最後太遲回來「采頤花園」，所以趕不及在店舖關門前幫襯，被迫押後到翌日再光顧。結果翌日我在「西貢」乘搭專綫小巴，來到「采頤花園」之後第一時間趕到商店街，趕緊在「鳳鳴石磨腸粉」打烊休息之前，儘快購買一客「石磨腸粉」和試食，看看「鳳鳴石磨腸粉」的口感與味道。「鳳鳴石磨腸粉」跟坊間裡面的手拉石磨腸粉店比較下，其中一個顯著分別就是食客可以在自己購買的「鳳鳴石磨腸粉」食品材料裡面，另外選擇加入「黑米」或者「紅米」，作為「腸粉」裡面的原材料。「黑米」和「紅米」裡面的其中一個最要營養功效，就是含有大量「膳食纖維」，「膳食纖維」有助於自身的腸道健康。至於「紅米」和「黑米」的營養功效差別，在於「黑米」熱量比較低，至於「紅米」則有補氣血，抗氧化。換言之「紅米」有利於養顏美容，「黑米」則有利於減肥健康，至於食客究竟想食「紅米腸粉」抑或是「黑米腸粉」，在乎食客本身想要什麼東西了，我就屬於後者。我想光顧「鳳鳴石磨腸粉」的同時，又能夠食到一款，對身體健康有幫助的手拉石磨腸粉食品，偏偏忘記之後我還會光顧享用「牛腩飯」，最後選

一直以來都好鍾意食呢一類嘅布拉腸粉，加上呢一兩年都開始流行，其實都越來越多地方開咗呢類型嘅舖頭，但係唔係每一間都好食。之前試過好多唔同嘅腸粉店，暫時除咗呢間以外，全部腸粉都麻麻哋，皮又厚，蒸得又濕，一pat pat咁。但今次呢間係真係好食嘅！第一次嚟呢間舖頭食，就決定帶個最穩陣嘅石磨豬肉腸，腸粉好幼滑，同埋啲皮一啲都唔厚，由於我唔食辣同芫荽，所以今次淨係加咗芝麻同炸蒜同埋沖，啲炸蒜係畫龍點睛，令到成個腸粉都有味咗好多！值得一試！

近呢一兩年開始流行潮州皺皮腸粉，今日我就食左呢間就覺得唔錯😋。 呢度有唔同配搭既腸粉，五花八門，店員就推介呢款比我。呢度既米漿都係由石磨磨製，所以腸粉非常幼滑。雖然米香唔係好突出，但食材味道同調味唔錯。呢度既腸粉全部即叫即造，保持到食材本身味道。調味採用自家制豉油，麻油，芫萎，炸蒜同芝麻。腸粉一放入口，已經好香蛋味同豬肉鮮甜味，之後有一道淡淡既豉油甜味，緊接係炸蒜同芫萎既香味，慢慢充滿成個口腔。唔夠喉既朋友可以加埋辣椒，會更加香🥰。 $22 一份咁大份腸粉，真好又抵又好食，大家可以去試下。

新蒲崗采頤花園都有鳳鳴石磨腸粉，之前去過觀塘廣場既第一間店，食過已經好鐘意，依舊想念的口味，所以今次工作上經過采頤花園都一定要試試佢地既分店。首創紅黑米腸粉，含有豐富既膳食纖維，新鮮當日磨即叫即整米香四溢。最鐘意佢哋既石磨豬肉腸，秘製豉油恰到好處，味道咸甜適中，唔會好咸，記得另外要加配料炸蒜、芫茜同勁辣既紫天椒，味道多種層次！食過翻尋味。小店旁邊有張檯仔比客人企喺度立食，我覺得咁樣即整即食幾新鮮。

朋友介紹已久, 但每次經過都有人群等候, 所以一直不敢行近。見依幾日人流減少，便決定去試吓，重帶埋食物盒去（明知外賣，就盡量BYOB Bring You Own Box）。買了 羅漢齋腸 及加$3 轉紅米腸 （快到期捐血，要pump一下血紅素🤪），共$23 。點知收銀姐姐只收我$22，正當我擔心落錯單時，看到收據上寫著 自備盒-$1👍🏻。 除豉油外，還可以加 芫荽，辣醬及蒜蓉（有種四川風味的感覺🤣），但早餐都未食嘅我，都係食清淡D好，只加上豉油及最愛的芫荽。雖然係皺皮腸粉, 但食得到腸粉的滑, 而且料很多。跟普通腸粉不同，料不包在粉內，但更能控制每啖粉與料的比例。份量不多，如果作為主餐，可能要買兩至三份（可能係我大食🙈）。但如果兩餐之間想食D野，依個腸粉係不錯選擇😋。PS：等候時，有個叔叔黎買腸粉，見佢同工作人員閒話家常，應該係熟客。（久久都唔行開，唯有遮一遮佢個身影😂）

之前同frd去鑽石山行街，之後諗住揾下有咩平民野食又係黃嘅，用咗同你eat揾完之後發現近近哋新蒲崗有間黃嘅石磨腸粉，之後就打算去試食，加上我好耐冇食過腸粉。個陣我係著住校服去，原來有學生優惠，平咗好多，岩曬學生哥！我同我個frd嗌咗兩款腸粉一齊share食，佢哋腸粉係即整，熱辣辣，佢有分套餐，套餐嘅話有多6粉燒賣同野食，套餐嘅價錢唔算貴。佢有好多款腸粉，本人試過四款都十分好食，腸粉好滑，簡直一試難忘，完全推介，係新蒲崗嘅平價美食之一。

餐牌有唔同選擇，亦有唔同配料可加我第一次食揀咗基本啲嘅雞蛋腸粉+$3菜店員會逐個客問要唔要走青/加唔加豉油我加咗豉油同少少辣因為係現製同前面啲客人幾份咁外賣所以都等咗一陣-一食落口明明係非常簡單、平凡嘅組合但又好好食！！同朋友一人一啖，停唔到口！巢皮腸粉，好食在於個汁可以完美地依附喺腸粉上面，唔會好似卷腸粉咁，有時食落口得腸粉味。-👍🏼推介加少少辣因為會將甜豉油昇華咗👍🏼夠滑👍🏼唔好以為一份好細兜，超飽

如果你唔係街坊，呢間舖個位置就真係好難搵。我同朋友行左兩大圈都未搵到。平日對腸粉都唔係好熱愛，唔可以畀好多comment。但係食慣預先卷好，塊皮厚過我個妝嘅平價腸粉，個對比真係好大。首先係腸粉種類，有普通白色米漿，有紅米漿，亦都有黑豆漿，好少見。但無論你叫咩種類，個皮都係好薄好滑，透光得黎都要少少力自可以將佢切開。果日我地叫左個套餐，腸粉轉紅米，加燒賣，仲有一枝自家涼茶，例如羅漢果茶、五花茶等等。紅果日叫左枝羅漢果茶，一飲落去就知佢係真材實料，濃厚嘅羅漢果味，好清甜，唔似有另外加糖。唔好睇圖好似好細份咁，其實已經夠兩個人當tea食。比個概念大家，食一份套餐，圖片入面果份大約40蚊埋單。對比平日大家係街市見到果d厚皮，預先卷好，蒸完又蒸果d係真係好大分別！呢個腸粉唔使加花生醬、甜醬果d都已經好好味😋簡單就是美！

本人極鍾意食廣州的拉腸，香港依家都越來越多腸粉店。呢間係觀塘開左一段時間，又成日係網上見到的腸粉店。今日終於有機會試喇（本來今日的目的係來試麥記生煎包的）估唔到呢間野係隔離，一於試埋佢啦！bonus去到時有兩三人食緊同等緊，所以落完order都好快有得食。佢個豉油幾好味，唔鹹，有啲啲甜味。自助落左炸過的蒜粒，別有一番風味。腸粉好滑，但因為有黏性，所以啲粉痴埋一齊。令到佢有啲厚，唔夠薄。我覺得薄啲好食啲。牛肉勁多，但又唔似係連埋啲粉一齊蒸，有啲奇怪。而且嚡口整體唔錯，但未夠薄，所以試一次就夠喇！

呢間腸粉超高質，不設堂食，只可外賣我食呢個係石磨雞蛋豬肉腸粉腸粉又薄又滑，一啖就sir左入口，再點小小豉油食，清得黎又調到味。店舖有炸蒜、蔥、麻油、辣粉、豉油可以叫佢地幫你加，淨食已經好食，亦可以因為喜好叫佢地加調味，正！另外，佢地最出名係紅米同黑米腸粉，有不同配搭，可以慢慢揀下次有機會會再試食😍不過腸粉黎講，佢價錢係略貴，但我覺得接受到，我食呢個要$22可以列入日常小食名單！佢係彩虹同觀塘都有分店記得叫豉油另上，因為有d咸，會再幫襯！！！

本小妹之前係觀塘返工，係有一次上網睇到講鳳鳴石磨腸粉，有一次就放工去咗試，點知一食就出事！因為好味所以會想成日去食😂不過依家無係觀塘返工了，但我星期六日會成日出入鑽石山新蒲崗嗰邊，點知就發現咗采頤花園新開咗！好激動！鑽石山站行去5分鐘都到🤤👍🏻👍🏻不過呢間就無觀塘嗰間咁大，同埋淨係得膠盒拎走食，建議大家自備器皿😂🔸黑米雞蛋腸+粟米+菜脯🔸$28呢間都係有黑米同紅米選擇😋 我就叫咗黑米雞蛋腸 加 粟米 再加 菜脯😂 有得自己再落炸蒜、辣椒、麻油等等～我會再嚟食哈～

曾在觀塘吃過，一吃難忘。現在進駐了采頤花園，為美食沙漠添加新選擇。蒸腸粉，就是飲茶時必點的港式點心。追求滑溜、爆餡、多變的口味。相對下，瓶子更愛石磨皺皮腸粉。這類石磨腸粉在廣東很普及，隨街也是。近期這道腸粉引進香港，一炮而紅，開得遍地開花。很欣賞鳳鳴除了原味米漿外，還有紅米、黑米的選擇。采頤分店雖小，店舖以開放式設計，能直擊腸粉的製作過程，很治癒。店員一絲不苟，待腸粉在櫃桶蒸透後，鋪上滿滿的餡料，再鏟成麻花狀。蔥花蝦米腸 + 雞蛋經米漿反覆打磨後的腸粉，口感薄身幼滑，有米香，包裹著飽滿的蝦米。加上雞蛋後為腸粉增點色彩，吃下更有口感，每口充滿蛋香與咸香。製成後還能澆上豉油，加上自家炒的芝麻、炸蒜、石磨辣椒粉和芫茜等。以上配料還能自行添加，自由度大。

早兩日早餐突然好想食腸粉，問下住呢頭既fd有無。發現新開左間石磨腸粉🤩，一心諗住買黎食，好可惜佢開10 點。番工時間買唔到～可惜！唯有放工口痕過黎試～～✨腸粉有紅米，黑米同普通version, 可以加錢再加配料。我就叫左個豬肉+ 粟米饀。收工時間得我一個，本身諗住呢d 腸粉加埋豬肉蒸要等好耐，點知幾分鐘就起貨，快喎✨賣相好吸引，加上豉油，麻油，炸蔥～辣椒粉我就無加，打包番去等埋男友一齊試食～～期待😛✨石磨豬肉粟米腸（$23): 隔左十幾分鐘先開黎食，我都有d 擔心食唔到最好味既moment。 D 腸粉雖然凍左，不過都無痴埋一舊，個皮仲幾薄幾有彈性。配左豉油同埋麻油真係好香🤩🤩🤩加埋炸蒜同芫茜就更加香👍🏻 豬肉都好嫩，火喉啱啱好，粟米加$3 都算係咁上下，都幾多。開頭以為食腸粉會好飽，但其實唔係好夠喉。✨唯一要彈係個豉油食到底比較咸，可能我又放左一段時間，如果可以偏甜番dd balance 番就更加好。💪💪💪同埋只係比左筷子，食唔到粟米😮希望貼心d 比埋個匙羹la