影片
更多
2020-07-13
1104 瀏覽
今日放假同老公兩個去大館行下，順便食埋午飯。回程時路經閣麟街，喺街口見到有間新開茶飲店「Münchies」，走近一看，原來店舖主打健康飲品。店員有禮地遞上介紹單張，逐一細看，飲品口味雖然唔算多，只有 5 大類，但每杯所含的卡路里相當低，介乎 35 至 70 之間， 就算減緊肥都可以飲，嘩！啱曬我，一於試下。飲品口味分別有：黑莓活性碳、金菊龍珠果、洛神花蘆薈、火龍果迷迭香、士多啤梨紫蘇，而茶底就有 4 款可供選擇，包括：烏龍茶、抹茶、梳打水和檸檬汁。我哋揀咗 Gooseberry Lemonade 同 Fizzy Black Charcoal 各一杯。先試下賣相黑漆漆的 Fizzy Black Charcoal ($34)， 聽店員講，飲品係用左黑莓和活性碳果糖，再加入梳打水炮製而成，入口味道非常清新，帶淡淡莓味，好似飲緊汽水咁爽，夠曬解渴，很適合夏天享用。至於另一杯 Gooseberry Lemonade ($36) 就用左龍珠果和金盞花，再加入檸檬汁製作。龍珠果味道很突出，有點像芒果+百香果嘅混合體，入口酸中帶甜，配上檸檬汁，消暑又醒胃。兩杯飲品嘅卡路里都好低，前者只有 35 ca
今日放假同老公兩個去大館行下，順便食埋午飯。回程時路經閣麟街，喺街口見到有間新開茶飲店「Münchies」，走近一看，原來店舖主打健康飲品。
店員有禮地遞上介紹單張，逐一細看，飲品口味雖然唔算多，只有 5 大類，但每杯所含的卡路里相當低，介乎 35 至 70 之間， 就算減緊肥都可以飲，嘩！啱曬我，一於試下。
飲品口味分別有：黑莓活性碳、金菊龍珠果、洛神花蘆薈、火龍果迷迭香、士多啤梨紫蘇，而茶底就有 4 款可供選擇，包括：烏龍茶、抹茶、梳打水和檸檬汁。
我哋揀咗 Gooseberry Lemonade 同 Fizzy Black Charcoal 各一杯。
先試下賣相黑漆漆的 Fizzy Black Charcoal ($34)， 聽店員講，飲品係用左黑莓和活性碳果糖，再加入梳打水炮製而成，入口味道非常清新，帶淡淡莓味，好似飲緊汽水咁爽，夠曬解渴，很適合夏天享用。
至於另一杯 Gooseberry Lemonade ($36) 就用左龍珠果和金盞花，再加入檸檬汁製作。龍珠果味道很突出，有點像芒果+百香果嘅混合體，入口酸中帶甜，配上檸檬汁，消暑又醒胃。
兩杯飲品嘅卡路里都好低，前者只有 35 calories，而後者亦只是 60 calories，非常適合想喝凍飲又怕胖的人，下次經過會再嚟試下其他口味。
張貼
