影片
更多
2020-07-11
1481 瀏覽
收工想食海鮮蒸氣鍋，係火炭返工嘅朋友就介紹咗我去呢間Drink 氣鍋！我地叫了每人一個Menu B ($498) ，一共九道菜。基本上成程我地都坐住等食，店員係上每道菜之後都會幫手因應嗰道菜嘅蒸煮時間而set返時間，務求蒸出食材最鮮味嘅口感！唔洗擔心自己動手會整得過生或太熟！每食完一道菜，店員就會開始上第二道菜再幫手蒸～-▪️蒸海老虎班件 蔬菜擺得好有心思，蓮藕條好少地方有得食。老虎班魚味濃，膠質豐厚，而且肉質嫩滑。▪️蒸XO瑤柱北海道扇貝 扇貝size幾大，肉質鮮嫩肥美，而且蒸完有滿滿扇貝汁鮮味，再加咗露荀以及XO醬吊味，令整體口感更豐富。▪️蒸紐西蘭托托貝拼蕃薯貝 非常鮮甜爽口，有淡淡海水味再加上貝類鮮味，唔需要點醬已經好好味！▪️堂灼安格斯牛肩胛拼露荀 安格斯牛味濃，牛醃得好入味，露荀都好爽口，唔會過硬或太軟。▪️鮮拆蟹肉海膽粉卷 呢個有驚喜！外皮薄得黎煙韌，咬落去啖啖新鮮蟹肉！而且每口蟹肉充滿蟹油，口感滿足！▪️櫻花蝦手工玫瑰花生豆腐 蒸過的硬豆腐，豆香味濃，加埋櫻花蝦，口感更提升！-▪️紫蔥栗子蒸本地新鮮雞 ： 雞肉蒸得嫩滑，肉質鮮嫩，而且用栗子黎蒸雞肉都幾夾。▪️蒸青花龍蝦·半隻 龍蝦就咁
我地叫了每人一個Menu B ($498) ，一共九道菜。
基本上成程我地都坐住等食，店員係上每道菜之後都會幫手因應嗰道菜嘅蒸煮時間而set返時間，務求蒸出食材最鮮味嘅口感！
唔洗擔心自己動手會整得過生或太熟！
每食完一道菜，店員就會開始上第二道菜再幫手蒸～
-
▪️蒸海老虎班件
蔬菜擺得好有心思，蓮藕條好少地方有得食。老虎班魚味濃，膠質豐厚，而且肉質嫩滑。
▪️蒸XO瑤柱北海道扇貝
扇貝size幾大，肉質鮮嫩肥美，而且蒸完有滿滿扇貝汁鮮味，再加咗露荀以及XO醬吊味，令整體口感更豐富。
▪️蒸紐西蘭托托貝拼蕃薯貝
非常鮮甜爽口，有淡淡海水味再加上貝類鮮味，唔需要點醬已經好好味！
▪️堂灼安格斯牛肩胛拼露荀
安格斯牛味濃，牛醃得好入味，露荀都好爽口，唔會過硬或太軟。
▪️鮮拆蟹肉海膽粉卷
呢個有驚喜！外皮薄得黎煙韌，咬落去啖啖新鮮蟹肉！而且每口蟹肉充滿蟹油，口感滿足！
▪️櫻花蝦手工玫瑰花生豆腐
蒸過的硬豆腐，豆香味濃，加埋櫻花蝦，口感更提升！
-
▪️紫蔥栗子蒸本地新鮮雞 ：
雞肉蒸得嫩滑，肉質鮮嫩，而且用栗子黎蒸雞肉都幾夾。
▪️蒸青花龍蝦·半隻
龍蝦就咁清蒸，已經非常鮮甜好味，Size都唔細咖！肉質厚實而且爽口彈牙，亦都幾容易拆起成塊龍蝦肉黎食～
-
▪️粟米魚肚栗子黑豚十六穀粥
食完蒸物後，最期待一定係集合咗所有海鮮同牛肉、同蔬菜精華嘅粥！
同其他蒸海鮮店唔同，呢度採用咗十六穀粥，食落更健康。食海鮮先擺入魚肚、栗子同黑豚加以烹調，令粥口感更豐富！
-
另外仲送咗個手工皮蛋加鮑魚~
皮蛋味濃，加入少許酸辣汁涼拌，好開胃！
鮑魚都好彈牙！
-
海鮮加蔬菜擺盤擺得好有心思，
每道菜嘅蔬菜配搭都唔同咖，非常igable，
而且環境都唔錯呢~好滿足的一餐！
張貼
