Crusta

營業中

休息中

Crusti Pizza Combo $74佢地個薄批Pizza全部即叫即做，批底不加入牛油或起酥油，以天然酵母發酵，只會使用橄欖油，好健康呀！今次分別叫咗兩個pizza套餐。- 第一個pizza套餐包括一個8吋薄批炭燒雞肉pizza、蕃薯條（配沙律醬）、涼拌沙律、雞翼同芬達。Pizza餡料有雞肉、蕃茄、青椒、芝士等，口感好豐富同惹味。炸蕃薯條入口有陣陣蕃薯香，脆口微甜。涼拌沙律有蛋黃醬、椰菜同蘿蔔絲，味道正常啦。蜜糖燒雞翼食落甜甜地，幾正。- 第二個pizza套餐包括一個8吋薄批香腸pizza、薯仔餅（配蕃茄醬）、甜醋沙律、雞翼同可樂。Pizza餡料有香腸、翠玉瓜、蘑菇、芝士等，依款pizza芝士較多，拉到少量絲，好多翠玉瓜，係一個好健康口味嘅配搭。薯仔餅喺由薯仔絲、洋蔥絲同蘿蔔絲組成，外層沾上薄薄粉漿，食落有陣陣洋蔥香，幾香口。甜醋沙律有黑醋、生菜、蕃茄仔等酸酸甜甜，好清新。