影片
更多
2021-02-01
572 瀏覽
糧尾想食返個平少少嘅lunch，朋友介紹嚟咗呢度，話呢度嘅藥膳湯刀削麵好好味，而家天寒地凍我聽到都覺得吸引。朋友話呢度嘅刀削麵同麻辣口水雞係最正，我見到餐牌上亦都寫住呢個係招牌，咁嚟得呢度梗係要試吓招牌啦！先上咗個麻辣口水雞，一大碟同個刀削麵分開上，睇到口水雞已經嚇親我，咁大份嘅！完全唔係一碗麵上面比幾塊仔嘅份量咁少，而係齋食都已經飽到唔知食唔食得落刀削麵蘸蘸辣油，放入口中，已經覺得印象唔錯，因為食得出個辣油係自家調製有經過心思嘅，有浸麻香味，唔似普通嘅包裝辣油，應該係店家自己炮製嘅招牌醬料，令到口水雞嘅層次完全唔同咗。午餐呢度嘅上菜速度都好快，試咗一兩啖口水雞藥膳灌湯刀削麵就上來了，只見一個煲仔咁嘅容器裝住滿滿一碗湯面，真係覺得誠意滿分，唔小心揩到個罐，隻手都燙左下，令我發現呢個灌湯真係絕不欺場，唔係就咁攞個鍋嚟裝咁簡單，係用呢個鍋嚟煲，好有風味。老實講五六十蚊食到足料又香口嘅口水雞、砂鍋裝住滿滿一大碗嘅藥膳湯底同埋刀削麵，再加埋一杯嘢飲，真係夫復何求啦！個湯底都幾清香，食得出冇味精因為唔會好口渴，而且清清地唔會油膩，冇負擔，有健康感絕對適合冬天暖肚！麵條亦都好Q彈，雖然本來我已經食
灌湯刀削麵
14 瀏覽
0 讚好
0 留言
朋友話呢度嘅刀削麵同麻辣口水雞係最正，我見到餐牌上亦都寫住呢個係招牌，咁嚟得呢度梗係要試吓招牌啦！
招牌麻辣口水雞
16 瀏覽
0 讚好
0 留言
先上咗個麻辣口水雞，一大碟同個刀削麵分開上，睇到口水雞已經嚇親我，咁大份嘅！完全唔係一碗麵上面比幾塊仔嘅份量咁少，而係齋食都已經飽到唔知食唔食得落刀削麵蘸蘸辣油，放入口中，已經覺得印象唔錯，因為食得出個辣油係自家調製有經過心思嘅，有浸麻香味，唔似普通嘅包裝辣油，應該係店家自己炮製嘅招牌醬料，令到口水雞嘅層次完全唔同咗。
午餐呢度嘅上菜速度都好快，試咗一兩啖口水雞藥膳灌湯刀削麵就上來了，只見一個煲仔咁嘅容器裝住滿滿一碗湯面，真係覺得誠意滿分，唔小心揩到個罐，隻手都燙左下，令我發現呢個灌湯真係絕不欺場，唔係就咁攞個鍋嚟裝咁簡單，係用呢個鍋嚟煲，好有風味。老實講五六十蚊食到足料又香口嘅口水雞、砂鍋裝住滿滿一大碗嘅藥膳湯底同埋刀削麵，再加埋一杯嘢飲，真係夫復何求啦！個湯底都幾清香，食得出冇味精因為唔會好口渴，而且清清地唔會油膩，冇負擔，有健康感絕對適合冬天暖肚！麵條亦都好Q彈，雖然本來我已經食口水雞食到飽飽地，但係個湯麵都吸引到我忍唔住食晒
張貼
