鯛魚魚湯專門店 (已結業)

自小就很喜歡飲魚湯，健康又有營養，在家也時常煲魚湯，沒有想過出街揾食也可以嘗到足料魚湯，而且價非常實惠。鯛魚魚湯專門店，位於鰂魚涌港鐵站附近，步行幾分鐘就可到達，十分方便。顧名思義，餐廳主打鯛魚魚湯🐟🐟🐟，可配烏冬，麵或湯飯，上餐時附有火爐，可保持魚湯溫度。餐廳地方不大，大約三十個座位左右，單人座位面向牆壁，自成一國，其他二人或四人座位設有隔板，入坐前亦有量體溫，做足防疫措施👍。既然係魚湯專門店，當然要試魚湯，朋友點了原價$188嘅波士頓龍蝦湯飯，現在震撼價$138，真係好抵食，原隻波士頓龍蝦，賣相超靚，啖啖肉，加埋奶白色嘅魚湯，鮮甜美味；我就點了鮑魚花膠湯飯，同樣是美味的鯛魚湯底，有兩隻鮑魚，多塊花膠，口感軟滑，充滿魚湯鮮味，配搭特別，份量幾多，滋潤養顏，味道很好👏。飲品方面，名稱和賣相都很美，點了蜜桃成熟時和星空荔枝，跟餐同樣是+$12，大杯抵飲，味道清甜。環境是一般日式餐廳格局，地方不大，但食物質素頗高，尤其是鯛魚湯非常足料，價錢實惠，配埋飲品每位都係一百多元，服務員勤快有禮貌，座位雖然有點窄，整體都很滿意😍。