Grove Sandwiches (已結業)

來到餐廳，主要係OL顧客為主，餐廳坐滿人，今次就決定買外賣。落單嘅店員要幫手負責出餐，比較忙，落單的時候如果有改動，店員會立即小小黑面。今次食咗個是日精選牛油果雞肉飛碟餐，套餐配一份沙律同飲品。牛油果同雞肉嘅味道幾夾，牛油果新鮮，雞肉嘅肉質又柔嫩，整體來講係一個幾好食嘅健康三文治。而配嘅沙律杯，水果算係新鮮，配以木製餐具，環保又健康。整體來講，如果午餐唔算係想食太多野，呢個餐其實幾啱，健康得來又有水果，性價比高，值得一試。