La Rotisserie (華蘭路) (已結業)

講真我唔係食雞既粉絲，不過gym友都明白，雞胸係快靚正之選。下午茶肚餓，買左個八十八蚊餐。有四分一隻雞加三個伴菜同個湯。份量好足的，女仔作為下午茶係好over，所以我會留起做晚餐！八十八蚊兩餐都唔過份既！個湯係zucchini and basil。我問佢有無cream，佢話無。我飲落估佢用薯仔用base，不過唔太肯定。係正常既西湯味，唔會有青味。飲左三分二都飽。雞都算滑既，不過點都係焗既關係，會乾口啲。佢連皮同骨，減肥友要花心機去皮了。伴菜好多款，可以揀三款，不過留意有幾款都有goat milk，小妹既選擇即刻縮減左。左邊係quinoa base，有啲egg plant, pumpkin etc，最得意係好似有啲杏仁片，口感幾好。中間係steamed veggie，暖暖的，亦最無油既感覺，好似最健康。右邊係red rice base，主要有大大舊蕃茄一齊，唔錯，不過驚芫茜人士要小心。一番拆皮拆骨後，小妹既晚飯如下😂。Weekend無乜人，打發下時間都唔錯。服務員都nice，因為我都有問下關於啲食物既問題。