野玩田店 (已搬遷) 新店位置

一直好想試呢間，聽講用新鮮既材料同埋主打本地農場產品，好彩有book到位，7點度已經坐滿晒人。叫左個吞拿魚沙沙酥盒配分子醋汁賣相超精緻，吞拿魚都有一般放題既貨色，配酥盒口感相當豐富。牛油果青瓜水牛芝士包意大利飯上面係滿滿既芝士，見到都好吸引，岩晒芝士控既我，攬拌後意大利飯均勻充滿芝士同埋忌廉，配搭淡啖既牛油果香,惹味得黎又好refreshing。香草燒美國原隻自然雞配燕麥松子仁係推介之一，當然要試下啦，隻雞烤得勁香，油脂分布卻比一般雞比較少，可以話隻雞好fit,食落啖啖都係瘦肉，但肉質又唔會好粗糙，反而都幾juicy,燕麥片比較香脆，食落去似係薯片多過麥皮，都幾好味，就算平時唔食麥皮嘅我都食咗幾啖蘋果酥配movienpick雲呢拿雪糕最後梗係唔少得甜品啦，呢個蘋果酥真係要試吓，外皮好香脆但入面好鬆化，配埋moviepick忌廉雪糕，真係甜而不膩。