餃掂手工餃子雲吞專門店

今晚去左銅鑼灣呢間餃掂食晚餐，我同朋友都是第一次食，都覺得好食又抵食。我同朋友兩人點左一份香煎軟心芝士餃，壽喜燒牛肉湯餃連湯，雲吞麵，竹昇米線，蜂蜜檸檬意米水，同可口可樂。食到勁飽，全部都原汁原味，新鮮又冇味精，好好食，有家的味道。先講香煎軟心芝士餃，真係即叫即整，煎得好香脆，入口有豬肉粟米同芝士，很香濃芝士味，好食。另外壽喜燒牛肉湯餃都好特別，啖啖肉，大大隻，有另外一碗湯，可以一齊食，而我就跟米線食，所以碗湯就咁飲，都好好食，像老火湯，好食又好飲。雲吞麵仲抵食，一共有12粒雲吞嘅雲吞麵啊，先52元，平時一x麵都只係三粒，正啊，有12粒食得好爽，又吾會很咸，感覺健康。飲品蜂蜜檸檬意米水都好飲，有熱有凍，揀左凍，夏天飲很適合啊，舒服。整體很滿意，很有小店人情味的感覺，食品健康冇味精，價錢合理，會再光顧。