影片
更多
2014-10-20
5975 瀏覽
係圓方覓食，點知食開Dining Concepts既餐廳都滿哂座唯有周圍再兜兩轉望望啦係Civic Square同場就發現左Grand Central:^)佢地既午餐時間都係做緊Semi-Buffet不如就試下啦:^DMenu有多款選擇Semi-Buffet由$168+10%起，包一杯飲品（檸茶呀汽水呀……除咖啡佢都有Set Menu既，有Burger、Sandwich及Pasta等環境好開揚，佢分兩層既下層係開哂全部門既，仲有室外位坐卡座、bar枱、單向位……就咁講座位都有好多款XDDD煙三文魚帶有油香，卻嚐不出膩感魚肉煙燻後帶淡香，爽口無筋，易咬易嚼調味剛好，唔會太過鹹，加上少許黑醋既酸香則更可口鯡魚肉質爽口，脂肪油份不多可惜係佢煙燻都係乾身既（其實係佢本質問題，唔關餐廳事），有少少難吞嚥凍雞胸肉冇脂肪帶，所以入口唔會話油話膩不過肉質稔軟濕潤，唔怕會乾哂水韌身難嚼:^)Zucchini清新爽口，微烤過仲有份焦香夠哂水分，食落好解膩（尤其係一邊食凍肉xd紅菜頭切成細絲，味道清新微甜我始終覺得係好重青味，但為左佢既營養價值……食啦唔好諗咁多xd酸瓜好夠味，甜中帶酸酸味唔會過激唔會乸口，
係圓方覓食，點知食開Dining Concepts既餐廳都滿哂座
唯有周圍再兜兩轉望望啦
係Civic Square同場就發現左Grand Central:^)
佢地既午餐時間都係做緊Semi-Buffet
不如就試下啦:^D
Menu有多款選擇Semi-Buffet由$168+10%起，包一杯飲品（檸茶呀汽水呀……除咖啡
佢都有Set Menu既，有Burger、Sandwich及Pasta等
環境好開揚，佢分兩層既下層係開哂全部門既，仲有室外位坐
卡座、bar枱、單向位……就咁講座位都有好多款XDDD
煙三文魚帶有油香，卻嚐不出膩感魚肉煙燻後帶淡香，爽口無筋，易咬易嚼
調味剛好，唔會太過鹹，加上少許黑醋既酸香則更可口
鯡魚肉質爽口，脂肪油份不多
可惜係佢煙燻都係乾身既（其實係佢本質問題，唔關餐廳事），有少少難吞嚥
凍雞胸肉冇脂肪帶，所以入口唔會話油話膩
不過肉質稔軟濕潤，唔怕會乾哂水韌身難嚼:^)
Zucchini清新爽口，微烤過仲有份焦香
夠哂水分，食落好解膩（尤其係一邊食凍肉xd
紅菜頭切成細絲，味道清新微甜
我始終覺得係好重青味，但為左佢既營養價值……食啦唔好諗咁多xd
酸瓜好夠味，甜中帶酸
酸味唔會過激唔會乸口，清新又開胃解膩
藜麥沙律中既Quinoa係國際公認既營養食品，估唔到呢度有得任食:^0000咬落爽口，綿身卻又不會過爛，富含纖維
加上蔬菜絲既清新同醬汁既酸甜味道，感覺清爽可口，令人想一食再食
煙鴨胸肉味香濃，連皮附有厚厚脂肪層
肉質夠稔身，水分夠，唔會話好硬實而難嚼咬
芝士有兩三款選擇，自己任切
一旁仲有微烤過既麵包可以伴食，但我就咁食了xdd
煙肉沙律又冇我想像中油膩
佢用既係煙肉粒，脂肪係多架，不過感覺唔肥膩
可能係因為同爽口生菜、清甜粟米同埋酸香既醬汁拌勻，膩度大大降低:^)
南瓜塊清甜，綿軟香稔
雖然係浸住既，但唔會過份水爛
纖維都唔會老到黏附牙縫
Pizza係火腿芝士薄餅，新鮮焗製，好似係個bonus咁Parma ham鹹香不膩，配上芝士濃香其實幾正
餅底微脆，有焗過既焦香味，同埋食落有麵粉香氣
蕃茄莎莎酸甜開胃，切成粒狀易食唔驚爆哂汁好狼狽
牛油果醬偏細滑，但我嫌佢膩左少少
如果有番d蕃茄粒爽口d，或者牛油果塊，感覺就清新d冇咁膩口
Taco有幾隻色既，薄脆，帶少許辣味
紅腰豆西芹沙律感覺清新
質感上紅腰豆既綿稔同西芹既爽脆有對比，但加埋又好配襯
張貼
