影片
更多
2020-11-14
38 瀏覽
好友最近搬咗去半山區，趁週末搞咗個 housewarming party，邀約我到她新居一聚，吃喝玩樂。晚餐唔想再打攪朋友，一於約埋老公去灣仔搵食。記得軒尼詩道有間主打滋補燉湯和家常小菜嘅餐廳，見近排天氣咁乾燥，提議過去吃頓 early dinner，順便飲番杯靚湯。餐廳地方不大，裝潢清新簡約，以一室粉淺色為主調，色調柔和舒服，唔講仲以為自己去咗間 Café。先細閱店員送上嘅餐牌，除了滋補燉湯外，還有十數款特式套餐及自製涼飲等供應，選擇甚豐。我哋揀咗兩個套餐，另外再加咗拿杯湯、菜芯苗同飲品。趁熱先飲啖靚湯，是日食療拿杯湯 (+$15) 為：南瓜眉豆海底椰，湯品上桌時仍熱辣辣，味道十分清甜，聽說有潤肺止咳、養胃補腎、降脂降壓等功效。套餐方面，先試下個蜂蜜柚子雞配彩虹飯 ($48)，雞件賣相非常吸引，面頭沾滿柚子醬，配上炸至金黃色嘅外皮，入口脆卜卜，肉質嫩滑多汁，Juicy 得嚟又帶點甜甜酸酸，非常衝擊味蕾，就算食多幾件都唔覺得膩。彩虹飯由粟米、紅米、白米等混合煮成，口感豐富之餘，感覺更健康！至於另一客首創竹絲海南雞配椰香飯 ($68) 味道也很不錯，雞肉口感細嫩，油脂低兼帶獨特雞香，據
記得軒尼詩道有間主打滋補燉湯和家常小菜嘅餐廳，見近排天氣咁乾燥，提議過去吃頓 early dinner，順便飲番杯靚湯。
餐廳地方不大，裝潢清新簡約，以一室粉淺色為主調，色調柔和舒服，唔講仲以為自己去咗間 Café。
先細閱店員送上嘅餐牌，除了滋補燉湯外，還有十數款特式套餐及自製涼飲等供應，選擇甚豐。我哋揀咗兩個套餐，另外再加咗拿杯湯、菜芯苗同飲品。
趁熱先飲啖靚湯，是日食療拿杯湯 (+$15) 為：南瓜眉豆海底椰，湯品上桌時仍熱辣辣，味道十分清甜，聽說有潤肺止咳、養胃補腎、降脂降壓等功效。
套餐方面，先試下個蜂蜜柚子雞配彩虹飯 ($48)，雞件賣相非常吸引，面頭沾滿柚子醬，配上炸至金黃色嘅外皮，入口脆卜卜，肉質嫩滑多汁，Juicy 得嚟又帶點甜甜酸酸，非常衝擊味蕾，就算食多幾件都唔覺得膩。彩虹飯由粟米、紅米、白米等混合煮成，口感豐富之餘，感覺更健康！
至於另一客首創竹絲海南雞配椰香飯 ($68) 味道也很不錯，雞肉口感細嫩，油脂低兼帶獨特雞香，據說竹絲海有養血功效，是滋補上品。另外個椰香飯亦很值得一讚，吃下去粒粒分明，椰香濃郁，配埋個醬汁吃，很惹味。
要均衡飲食，菜蔬當然不能少，這碟皇牌菜芯苗 (+$12) 亦做得很不錯，色澤翠綠，入口腍甜，夠幼嫩又無渣。
飲品點咗呢支熱情豐盛 (+$15)，據說係餐廳自家炮製，由熱情果、杞子和青檸等混合製作，入口酸甜適中，富熱情果獨特香氣，為這頓晚餐完美作結。
張貼
