JOY LITM (已結業)

呢間係銅鑼灣新開既甜品飲品鋪主打係健康，呢度既生果都係每日新鮮運到，即叫即整，絕對唔會留過夜，品質保證呀！🥸我同同事今次叫佐兩杯飲品小試牛刀：超級莓果乳酪蓋茶🥤唔同既苺果好清新，飲品唔會過甜，保留莓果既天然果酸，加埋乳酪既酸，成杯超開胃，食到飽想消滯都好岩，飲完成個人好fresh(#^.^#) 甜草莓乳酪蓋茶，呢杯就相對會甜啲，草苺好鮮甜，有啲奶香添，成杯都好香好好飲，又會飲到啲草苺果肉，口感好好，超正(^з^)呢度仲有啲生果杯可以加乳酪，見到生果杯入面好多時令新鮮生果，都好豐富，如果唔係今日本身已經食飽佐都會試下。呢間絕對bookmark之後要再黎呀！