NUTTEA (兆英商業大廈) (已結業)

NUTTEA (兆英商業大廈) (中環)中環皇后大道中151-155號兆英商業大廈地下C2號舖正呀！原來中環都有NUTTEA! 今日同朋友嚟到中環，同行朋友好鍾意飲堅果奶同堅果奶蓋茶，我同佢地喺中環街市行完街驚喜發現原來中環都有分店！急不及待嘅我哋就立刻上前去睇吓呢間店舖嘅裝飾係點先！呢間舖頭用MC張天賦來做主打裝飾，我記得之前去過其他分店好似旺角分店啊係用Mirror來做gimmick! 真係每間店舖都有佢嘅特色，好想可以參觀晒全港咁多間NUTTEA分店！你一行四個人叫咗四杯嘢飲，一杯係火龍果堅果奶，一杯香蕉朱古力堅果奶，一杯宇治金時堅果奶蓋茶，同埋一個為食小朋友好鍾意嘅朱古力🍫純奶蓋一杯！大家都對自己所叫嘅嘢飲好好讚嘆不絕，我最鍾意我個香蕉朱古力🍫堅果奶，香蕉味好濃啊！尤其是我仲加咗寒天添，有咬口超級正！我哋好鍾意❤️NUTTEA嘅飲品,因為夠晒健康又飽肚，大家行行吓飲番一杯，健康又飽肚，冇罪惡！