影片
更多
2019-09-12
1348 瀏覽
期待左好耐食依間見到佢有好多配搭 包括傳統白米、黑米、甚至無米 用蛋取代但因為驚唔夠飽所以都係叫咗米 其他地方冇見過黑米kimbab😂所以就試咗黑米—>牛肉黑米飯卷 beef kimbab (black rice) $70佢都好有心機咁樣即叫即整之後仲會有啲泡菜 仲有嗰個似醃左既腐皮但食落都比較林身之後到期待已久嘅主角首先覺得佢包得都幾大份 蔬菜同肉同米嘅比例可以話係5:2:1 蔬菜有好多好豐富 酸蘿蔔牛蒡青瓜蘿蔔 仲會有蛋絲 可以講嘅係口感係幾豐富嘅 但係！ 但係！ 我覺得前提係要鍾意比較清淡嘢食嘅人先會鍾意食 因為食落真係一啲油膩感都冇 麻油味係冇嘅 所以如果係中意食開傳統韓式飯卷嗰種麻油味重既你可能會失望 佢係蛋絲都係好淡味既 之後佢嘅牛肉有一陣免治牛肉味 係成個kimbab既主要咸味來源 但都係少少咸 唔過火既 黑米有啲似紫米 不過我都冇深入了解過所以唔知個分別😂 只係聽聞會多啲蛋白質同fiber 所以就叫左泥試下 黑米食落唔係平時紅米飯咁 係出奇地偏軟身既 整體泥講呢個kimbab係真係健康之選不過$70略嫌貴咗啲🥺 點解喺香港想食健康野都咁難 成個就有10件 但
見到佢有好多配搭 包括傳統白米、黑米、甚至無米 用蛋取代
但因為驚唔夠飽所以都係叫咗米 其他地方冇見過黑米kimbab😂所以就試咗黑米—>牛肉黑米飯卷 beef kimbab (black rice) $70
佢都好有心機咁樣即叫即整
之後仲會有啲泡菜 仲有嗰個似醃左既腐皮
但食落都比較林身
之後到期待已久嘅主角
首先覺得佢包得都幾大份 蔬菜同肉同米嘅比例可以話係5:2:1 蔬菜有好多好豐富 酸蘿蔔牛蒡青瓜蘿蔔 仲會有蛋絲 可以講嘅係口感係幾豐富嘅
但係！ 但係！ 我覺得前提係要鍾意比較清淡嘢食嘅人先會鍾意食 因為食落真係一啲油膩感都冇 麻油味係冇嘅 所以如果係中意食開傳統韓式飯卷嗰種麻油味重既你可能會失望 佢係蛋絲都係好淡味既 之後佢嘅牛肉有一陣免治牛肉味 係成個kimbab既主要咸味來源 但都係少少咸 唔過火既 黑米有啲似紫米 不過我都冇深入了解過所以唔知個分別😂 只係聽聞會多啲蛋白質同fiber 所以就叫左泥試下 黑米食落唔係平時紅米飯咁 係出奇地偏軟身既 整體泥講呢個kimbab係真係健康之選
不過$70略嫌貴咗啲🥺 點解喺香港想食健康野都咁難 成個就有10件 但食完未話好飽 可能因為多菜 定我大食
Beef Kimbab(black rice)
$70
135 瀏覽
0 讚好
0 留言
張貼
