影片
更多
2008-05-09
112 瀏覽
一家人又一同晚飯, 是次揀了遠一點的地方: 觀塘. 一早訂了位, 否則也幾難有位. 是晚我們就坐係旁邊的鋪, 也沒大問題. 環境當然不會太好, 不過望落去也乾乾淨淨的.來到這裡, 先知這裡也係那些得獎餐廳. 既然如此, 就叫這裡的招牌得獎菜吧.大白菜燉豬肺湯 $68: 9分, 要了個大盅的, 怎知道份量係真的非常之大, 小弟係飲了好幾碗. 跟飲開的杏汁豬肺湯不同, 這個大白菜燉豬肺湯係好清新的, 喜歡飲清清的湯一定會喜歡. 沒有師傅的痕跡, 飲落口只覺得好鮮甜, 豬肺洗得乾淨, 大白菜真係幾大條, 但係好新鮮. 單單清完這個湯, 大家也飽了不少.彩蛋白花卷 $13 x 3: 8分, 04年的得獎菜. 叫了四件, 上臺時只得三件, 再追加也無影無蹤, 唯有吃三件好了. 賣相係幾靚的, 用薄薄的威化紙包著, 入面有不少材料, 蝦膠幾爽口, 皮蛋也幾靚的, 當然, 最搶鏡的一定係酸薑, 吃完係好開胃的.全港首創掛鹿米線 $20 x 2: 8分, 點解叫做掛鹿米線? 根據店方講, 係每條米線都黐住鹿肉, 而且每粒鹿肉都唔黐的. 望落碗米線都也覺得這個說法係幾真實, 都有不少米線係黐住鹿肉, 不
來到這裡, 先知這裡也係那些得獎餐廳. 既然如此, 就叫這裡的招牌得獎菜吧.
大白菜燉豬肺湯 $68: 9分, 要了個大盅的, 怎知道份量係真的非常之大, 小弟係飲了好幾碗. 跟飲開的杏汁豬肺湯不同, 這個大白菜燉豬肺湯係好清新的, 喜歡飲清清的湯一定會喜歡. 沒有師傅的痕跡, 飲落口只覺得好鮮甜, 豬肺洗得乾淨, 大白菜真係幾大條, 但係好新鮮. 單單清完這個湯, 大家也飽了不少.
彩蛋白花卷 $13 x 3: 8分, 04年的得獎菜. 叫了四件, 上臺時只得三件, 再追加也無影無蹤, 唯有吃三件好了. 賣相係幾靚的, 用薄薄的威化紙包著, 入面有不少材料, 蝦膠幾爽口, 皮蛋也幾靚的, 當然, 最搶鏡的一定係酸薑, 吃完係好開胃的.
全港首創掛鹿米線 $20 x 2: 8分, 點解叫做掛鹿米線? 根據店方講, 係每條米線都黐住鹿肉, 而且每粒鹿肉都唔黐的. 望落碗米線都也覺得這個說法係幾真實, 都有不少米線係黐住鹿肉, 不過仲未做到每條米線都黐住鹿肉的竟界. 仍需努力? 吃完的感覺係也幾好, 但係又未到好正的階段. 平日少吃鹿肉, 其實好像跟牛肉的味道差不多. 米線都幾彈牙的, 仲有不少芹菜粒, 連埋鹿肉一齊吃, 幾爽口的. 個湯底就無乜特別的. 叫了兩碗分吃, 其實已經好夠, 因為爸爸媽媽他們吃得比較小, 剩下的也係小弟去清.
砵酒焗生蠔 $22 x 4: 8分, 第一次來只有兩件, 要再叫先有一客四件的上臺, 看來這裡的落單有點混亂了. 打開錫紙, 除了砵酒香之外, 更加有不少洋蔥, 相當之惹味. 生蠔本身係大大隻的, 好肥美多汁, 也有鮮味, 不過小弟吃的那一件始終係有點渣, 未算好靚. 當然, 這個06年的得獎菜只係$22一隻, 幾經濟的, 也收貨有餘.
順德荷包鱔 $13 x 2: 8分, 姍姍來遲的係這個順德荷包鱔, 學食友所講, 個汁係側埋一邊, 望上去也太多汁了, 不過食落口又覺得不錯, 幾入味, 鱔夠鮮味, 但也不覺得有腥味.
另一個得獎菜鹿筋薑醋夏天沒有熱的, 凍的又不太想吃, 留待下次機會吧. 整體食物有水準, 價錢經濟. 從店內的相片得知這裡也係主內的弟兄姊妹開的, 埋單時也覺老闆娘的態度係相當友善, 其他店員也幾客氣. 真的希望這裡能做到像老細所講像店子變成開開心心的地方.
張貼
