旺囍車仔麵 (已結業)

                      今日係朗豪坊同朋友睇完戲 就去左附近食野 我地無意中行左入旺囍車仔麵食 一入去雖然見到座位唔多 不過勝在環境幾乾淨 係自己寫單既 用筆寫完可以擦掉循環再用 幾環保 然後見到個開放式廚房 又幾特別窩 好快 凍豆漿就黎左 係一杯杯既 飲唔曬可以拎走 幾好！之後我叫既係主食係河粉➕雞翅➕豬軟骨➕通菜➕腩汁 上黎果陣都幾大碗 同埋材料都好多 尤其係通菜 滿滿既一碟甘 而且新鮮 又唔會煮得太軟身 吸埋d腩汁 好入味 之後我地叫左小食 祕製雞中翅 價錢適中 份量多 香香地而且好入味 仲好軟身 好似滷水雞翅甘 好容易咬 生菜手打魚肉湯亦好好味 我鍾意飲距啲湯 同埋有好多新鮮生菜可以食 魚肉有咬口再加少少胡椒粉 好正 最後仲叫左炸魚皮 份量幾大 好脆口 亦可以擺落湯度浸一浸先食 都一樣甘好味 下次經過可以再試下其他主食同小食