阿麥廚房 (已結業)

搵食，呢條街有好多選擇，朋友話呢間餐廳好好食，所以就同男朋友你試吓。佢餐牌上嘅選擇唔多，但已經好夠。前菜我同男朋友嗌左個大蝦占米多，煙三文魚黑魚子蛋白沙律，唔係講笑，真係好有驚喜！首先，大蝦占米多個汁好香，蝦又夠新鮮；至於個沙律，好Fresh！之後我哋叫咗個蟹肉南瓜湯同龍蝦湯。佢配搭嘅蒜蓉包係比較脆身，我自己麻麻哋呢種口感，但佢嘅湯實在太有驚喜！個南瓜湯係勁甜，蟹肉有多；如果龍蝦湯亦都係好香但又唔會太鹹！令人好想再嚟encore佢啲湯。煮食方面叫咗個德國鹹豬手，同埋西班牙海鮮燉飯。最後一定要大讚佢杯熱朱古力，好香滑但又唔會太甜！個拉花仲好靚添。