我是酸奶君 (已結業)

平時飲開珍奶同水果茶的我們，偶爾都想轉下口味，咁岩又比我地喺街口遇到酸奶君，咁就緊喺要試試佢啦！舖頭門前的酸奶君標誌十分易認，離遠都能看得到。我地點了一杯吃米酸奶($29)和一杯莓果粒粒($38)。莓果酸奶入面有唔少新鮮嘅士多啤梨果肉，令味道更添水果清香，酸奶味亦比普通吃米酸奶濃郁一點。吃米酸奶口感幼滑，味道酸得嚟甜甜地好平衡，食完飯飲都唔覺得濟。酸奶當中加入了粒粒紫米，口感軟糯有嚼勁，呢個配搭都幾新鮮。酸奶君都有儲分優惠，只要兩個月內飲夠9杯，就能免費獲得1杯價值40元或以下的酸奶。