影片
更多
2013-11-01
22 瀏覽
基於早前媽話爸手術後想去黃大仙還神，今天下午我便與哥及姐陪她去啦！搞完後都成差不多7點，看看附近有什麼好吃先！因哥話涼涼地不如打邊爐啦，合巧一邊行，我留意到有間涮得棧，那我們也懶得再行，便決定食這間啦！原來係譽宴集團，所以同譽宴酒樓相連呢！上到去都幾多人，幸好都好快入座！湯底:：叫了特價的川貝海底椰木瓜鱷魚骨鍋，好似50多元>>好正！因為勁足料，木瓜、豬骨(不知是否是鱷魚骨，哈)、雞腳…，阿媽話只食湯料都夠！hehe~~~~食物叫了以下這些：2碟肥牛：一碟是本地肥牛(size:中碟，好似有特價呢！)；另一碟係澳洲M5肥牛(size:中)，現在看回相我都忘了點分呢！但2款都好好味，好鮮嫩，同出面任食火鍋的肥牛根本無得比，但阿哥及姐話澳洲真是較本地的更鮮更好味，價錢同份量都成正比啦！飲品：有五花茶同竹庶水，我們就叫了竹庶水，好香的庶香味，甜度適中啦！頂級肥牛粒：這碟GOOD呀！不會有牛的羶味，涮完放入口是好 “淋”的！但比較厚粒，要涮久一點啊！3隻虎蝦：勁大隻呀！肉質食得出是新鮮的，因為肉不是 “梅”的，好爽喔！姐對蝦有d敏感，沒口福了！日本廣島蠔：是哥叫的，蠔我沒甚興趣，
搞完後都成差不多7點，看看附近有什麼好吃先！因哥話涼涼地不如打邊爐啦，合巧一邊行，我留意到有間涮得棧，那我們也懶得再行，便決定食這間啦！
原來係譽宴集團，所以同譽宴酒樓相連呢！上到去都幾多人，幸好都好快入座！
湯底:：叫了特價的川貝海底椰木瓜鱷魚骨鍋，好似50多元
>>好正！因為勁足料，木瓜、豬骨(不知是否是鱷魚骨，哈)、雞腳…，阿媽話只食湯料都夠！hehe~~~~
食物叫了以下這些：2碟肥牛：一碟是本地肥牛(size:中碟，好似有特價呢！)；另一碟係澳洲M5肥牛(size:中)，現在看回相我都忘了點分呢！但2款都好好味，好鮮嫩，同出面任食火鍋的肥牛根本無得比，但阿哥及姐話澳洲真是較本地的更鮮更好味，價錢同份量都成正比啦！
飲品：有五花茶同竹庶水，我們就叫了竹庶水，好香的庶香味，甜度適中啦！頂級肥牛粒：這碟GOOD呀！不會有牛的羶味，涮完放入口是好 “淋”的！但比較厚粒，要涮久一點啊！
3隻虎蝦：勁大隻呀！肉質食得出是新鮮的，因為肉不是 “梅”的，好爽喔！姐對蝦有d敏感，沒口福了！
日本廣島蠔：是哥叫的，蠔我沒甚興趣，聽他們說不錯呀！至少涮完不會縮水，證明不是便宜貨！
白牛柏葉：好爽口呀！
韮菜餃：我至愛！勁LIKE好多韮菜囉！keke….yummy~~~
炸魚皮：脆卜卜，但稍為略鹹了點！
菜：叫了白菜仔及唐生菜>>冇咩特別，但好新鮮！
最後加單order了稻庭烏冬>>$28有3個都幾抵，因為食得出唔係普通的烏冬，很彈牙的！
環境方面：我們坐大堂都坐得舒適呢！因我見有些是坐獨立房，有TV的，置成一處都幾好！
服務方面：食物都不算等得太久，可以接受的！但不知是否多客人，有時會來了一些我們沒有叫的食物呢！
價錢方面：講真屬中上，因為比較有多的新鮮海鮮為主打，所以一分價錢一分貨呢！但個人認為價錢與食材質素成正比呀！偶然給自己食好一點都不失為一個好choice喔！
題外話/補充資料：
本身覺得如果飲品方面多些選擇就好，因哥嫌沒有汽水選擇。但離開時先發現走廊中的冰箱入面有，但我們沒有留意，哈！
(以上食評乃用戶個人意見 , 並不代表OpenRice之觀點。)
張貼
