川館 (大王東街)

營業中

休息中

係香港日韓台西餐美食都食好多，偶爾都想辣下過癮。放工同食得辣既朋友去搵左一間川菜館~想一戰辣子雞!!川館地方唔大，入內見到幾台客人都係食緊辣魚/雞煲，味道好似好吸引。但係，我同朋友都比較想嗌送食飯~於是叫左幾款菜式川北涼粉 川北涼粉似係將白涼粉加入好似紅油咁樣既汁，配料應該有辣椒蔥薑蒜末等等，惹味幾開胃，唔係太辣~乾煸肥腸雖然喜歡食炸大腸，但係又好怕食到個D肥膏川館既乾煸肥腸傾向似係炸大腸，再將炸大腸用其他配料一齊炒，最鐘意佢既大腸中間位置已經處理好冇哂肥膏，可以食到大腸既香味又唔洗成口都係油辣子雞(細)辣子雞係我今次最鐘意既野食，雞肉本身調味好惹味，脆脆地麻辣度適中，略嫌就係雞肉帶骨，食落有D煩~不過真係好好味好岩送飯清炒蒿荀清炒蒿荀純粹係想叫來中和下辣味，等味蕾休息一下。蒿荀冇渣，味道淡淡地，隔住辣野食唔錯!!紅糖糍粑紅糖糍粑是用紅糖、糯米同黄豆粉製作既一道四川甜品。喱到既糍粑應該係將製好既糯米炸完上碟，上碟時熱辣辣，帶有少少脆度。但入面仲係軟糯既口感，鐘意糯米糍既人就應該喜歡喱個甜品。