西樹泡芙 (已結業)

本來想去希慎買甜點食，經過銅鑼灣地鐵站F出口，見有間芭芙店新開，門面光鮮亮麗。店內店員著住日式制服！欣賞會用頭巾包頭！有時見啲店員頭髮好長又唔扎好！都覺得衛生麻麻！原來店只係左邊，右邊係另一間賣菓子嘅店，不過我試一間先！雪櫃頂有餐牌，15款有7款已售馨！淨低都以以朱古力為主！雪櫃芭芙幾靚，忍唔住揀兩件外賣。店員提我買四件先會用盒！兩件只會用紙袋，我人少唔買得多，所以照兩件，店員就幫我袋起，紙袋有硬卡紙托底，都唔難拎，設計幾可愛，店員仲比埋印花卡我儲，買2件產品就一個印花，10個印花可換2件「忌廉芭芙」！回家打開紙袋，好香朱古力味，每件餅有獨立紙套包住，唔會沾到其他餅味道！朱古力熔漿蛋糕：賣相樸素平實，唔花巧，店員講可以加熱食，變成心太軟，但我想試下凍食！切開一睇，中央全部係濃朱古力漿，雖然唔流心，但好香滑，外面蛋糕鬆軟！食多都會膩，好在件餅唔大件，剛覺得膩就食晒！配紅茶的話一流！濃朱古力曲奇芭芙：個賣相唔係好靚，一粒粒突起嘅，尺寸大，咬一啖，外層一粒粒脆口，芭芙皮煙韌，中央滿滿嘅香滑忌廉！流心嘅質地！唔會好甜！就好味！肥髀咬一啖之後就霸晒來食！公司網站資料都好詳盡！店員服務勤快，而且會