望月軒

營業中

休息中

因為今日有工作要去上環，咁都要喺出面食飯。我盡量都係揀返啲大間嘅地方，可以隔得開啲。朋友推介我去食呢間中菜，話地方開揚，食物都唔錯！我地就決定去食個下午茶下午茶時段入座價錢都幾優惠。呢度點心選擇都幾多，同埋有自己嘅特色和創意，唔係平時飲茶食到厭果啲點心。而且好多菌菇類嘅點心，都幾養生。我就點咗野生松茸燒賣皇羊肚菌鮮竹卷我一向鍾意菌菇類嘅香氣，味道香濃，味道都鮮美。唔錯！仲點咗幾樣：娥姐粉果蘿蔔千絲酥四川擔擔麵最後仲點咗個桂花酒釀丸子。整體而言，每樣點心都幾好食。咁靚view，咁好質素，我覺得性價比幾高。可以收藏呢間餐廳，過一排可以帶屋企人嚟試下其他菜式，我對佢啲川菜都好有興趣。