影片
更多
2006-07-24
24 瀏覽
好耐冇去灣仔銅鑼灣區，適逢書展，所以到此一遊。為了避開午飯擠擁時間，決定兩點鐘オ去覓食。天氣實在太熱，所以冇乜頭緒，於是走到Time Square嘅食通天，可惜都係冇心水嘅食肆，喺搭子彈lift落樓時，見倒對面嘅﹙魚一丁﹚好多人食自助餐，又見倒﹙伽耶﹚個招牌，突然想起網頁中曾經介紹過呢間餐廳，所以好有興趣去試吓。去到已經兩點多，個知客都唔見咗，於是揾侍應攞位，好好彩被安排坐窗邊位，望出窗外陽光柔和，店內祇得幾枱客，所以不大嘈雜，環境總算寧靜，坐得舒服，幾小時腿步運動嘅倦意，即時消除不少。我地叫咗石頭飯& 海鮮湯年糕，都等咗一段時間才上菜，分兩盤上，上菜後Ｄ侍應逐漸消失，所以冇人同我地加蔴油辣醬拌飯，要自己動手，幸好有碟辣醬跟菜上，蔴油就欠奉。我地因為唔食牛，所以飯中的牛肉改豬肉，可惜餐湯都喺用牛肉煮，好羶，所以都喺飲番個海鮮湯好Ｄ。個飯好熱，飯焦好脆，但之前我喺韓國食倒嘅石頭飯，祇不過喺素菜加蛋，都冇加蔴油辣醬，飯冇咁熱，飯焦冇咁脆，但喺好香，一個人幾乎清晒一鍋，所以一直回味至今，但今次食倒嘅飯，味道冇乜特別，唔知喺咪同個蛋有關呢？至於個海鮮湯，好鮮，因為用蜆來煮，清淡得嚟有鮮味，值得
為了避開午飯擠擁時間，決定兩點鐘オ去覓食。
天氣實在太熱，所以冇乜頭緒，於是走到Time Square嘅食通天，可惜都係冇心水嘅食肆，喺搭子彈lift落樓時，見倒對面嘅﹙魚一丁﹚好多人食自助餐，又見倒﹙伽耶﹚個招牌，突然想起網頁中曾經介紹過呢間餐廳，所以好有興趣去試吓。
去到已經兩點多，個知客都唔見咗，於是揾侍應攞位，好好彩被安排坐窗邊位，望出窗外陽光柔和，店內祇得幾枱客，所以不大嘈雜，環境總算寧靜，坐得舒服，幾小時腿步運動嘅倦意，即時消除不少。
我地叫咗石頭飯& 海鮮湯年糕，都等咗一段時間才上菜，分兩盤上，上菜後Ｄ侍應逐漸消失，所以冇人同我地加蔴油辣醬拌飯，要自己動手，幸好有碟辣醬跟菜上，蔴油就欠奉。我地因為唔食牛，所以飯中的牛肉改豬肉，可惜餐湯都喺用牛肉煮，好羶，所以都喺飲番個海鮮湯好Ｄ。個飯好熱，飯焦好脆，但之前我喺韓國食倒嘅石頭飯，祇不過喺素菜加蛋，都冇加蔴油辣醬，飯冇咁熱，飯焦冇咁脆，但喺好香，一個人幾乎清晒一鍋，所以一直回味至今，但今次食倒嘅飯，味道冇乜特別，唔知喺咪同個蛋有關呢？至於個海鮮湯，好鮮，因為用蜆來煮，清淡得嚟有鮮味，值得一讚，但喺個年糕就有Ｄ﹙up﹚味，一片片咁，唔同喺韓國個Ｄ圓柱形，唔知放湯喺咪用呢種呢？前菜兩盤有六碟，但祇得三款，有筧菜，甜著仔和泡菜，因為冇侍應，所以仲冇得refill添。
食食吓個cashier走嚟叫埋咗張單先，可能佢地三點後休市，我地走嘅時候未夠四點，但喺Ｄ侍應就消失晒，淨喺得番Ｄ清潔亞姐喺度等執碗，真喺唔好意思喇，第二次都要早少少嚟，小兔笑言，我地食佰幾蚊嘢就可以包場喇，是次食得好滿足。
張貼