kitchen J (已結業)

除左UCC同Pokka Cafe之外，日式西餐廳其實並唔係咁多選擇。偶然發現Kitchen-J，於是今晚決定同老公去試吓。餐牌好豐富，d相映得好靚，樣樣都想試，於是老公提議不如叫二人晚餐，乜都有。湯係純雞湯，難飲，雞粉溝水!沙律叫咗三文魚沙律，個汁好好味!檸檬醋汁，好清新!而且份量夠大!之後係拿坡里意粉，唔掂，炒得好淡同冇收汁，D汁索唔入D意粉，冇味。最後有炸豬扒飯，呢個就好味喇!至少佢唔會炒到好似坊間D日式餐廳咁用肉片黎炸，佢真係比塊豬扒你食!兼且好脆口!讚!甜品，個法式燉蛋做得唔錯，有水準。總評分比ok，希望能夠係炒意粉多下苦功。