東海酒家 (已結業)

好友放假到青衣黎…相約齊齊輕輕鬆嘆個午餐…為避開中午o既人潮…選擇近兩點先入座, 更可享有下午茶優惠時段, 點心收費由小點7元至特點23元不等…即時入座, 好幸運沿窗落地玻璃海景位剛好淨番一檯, 滿心歡喜啊~…人煙疏落左, 環境亦相對清靜…兩個人叫先後叫左七款咸甜點心…坐到差不多4:30pm清場先離座…hea個飽!! 哈!!蝦籽燒賣…肉鮮味結實, 肥瘦適中, 好味道!! 今次係賣相差D, 好似被搖完骰仔咁…四散到籠o既周邊, 好搞笑!!...潮州粉果…皮薄餡香且豐富, 不錯呢!鮮蝦賽螃蟹餃…創新o既搭配, 又幾好味喎!!...外型白滑, 裏頭o既蛋白口感有少少似豆腐…但又有蝦肉o既爽, 芫茜o既香, 不防試試啊!芥末沙律墨魚…哩款新口味就真係麻麻地, 仲要收近$50元!!!... 沾有厚厚o既甜味沙律醬, 要有超敏感o既味蕾先可以嚐到丁點日本芥末, 青瓜多過”主角”墨魚好多之外, 仲要係青瓜好味過墨魚!!!!...因為D墨魚條係完全無色無味無臭, 只係啃到件有沙律味o既”擦紙膠”!!...感覺都好可怕架!!...咖哩魷魚…味道ok, 及水平之作, 用好多芋頭粒墊底, 但芋頭同咖哩吾多夾