景記咖啡 (已結業)

前日四點零已經完成一日的工作，同兩個客離開上環的分色工場，提議不如去「體驗」一下我們的茶檔﹝其實我想蛇一蛇﹞，呢類建議當然無人會拒絕。唔知搞咩又曬又熱，所以近近地就同佢地幫襯了熟食中心，順手仲可以參觀下的們的街市。仲係午間落場時段，成間熟食中心只有三數間食肆開檔，選了這裡因為最多人幫襯。叫了一支大生力、炸鹵水雞翼一人兩隻用來送酒、熱奶茶咖啡各一、奶油多同西多。生力呢度全日15蚊一支，抵飲，瞄過佢地在汽水櫃用冰雪住，所以一定夠晒涷；如果叫雞翼的話，個姐姐會問要鹵水的還是炸的，我在這裡的習慣要炸鹵水的雞翼，咁就夠味又夠香口，送啤酒一流，價錢都係6蚊一隻。客人食過當然滿意，亦驚訝怎麼可以賣得咁平，味道亦不比他們的鹽燒雞翼遜色；奶油多及西多士香口又甜味，都合佢地口味，但港式的絲襪奶茶及咖啡仍是受不了，已經是走糖但他們渴了幾口都先後放棄，唔知係唔係飲左啤酒的關係。飲飽食醉，三個人都只係八十幾蚊，埋左單我地再去參觀街市。