Bostonian Seafood & Grill (已結業)

上星期去食呢間weekday semi buffet lunch , 378 蚊有主菜，自助海鮮沙律吧，甜品同餐飲。沙律吧有parma ham, smoked salmon, 炒菜，等等。海鮮有琵琶蝦，凍蝦，青口，螺，同生蠔。生蠔有三款，紐西蘭，法國同愛爾蘭，雖然size 唔算好大隻，但新鮮有海水味，最甜係紐西蘭，愛爾蘭石蠔則比較爽口，法國比較creamy.雖然係美國餐廳，但刺身壽司一樣有。焗帶子，仲有焗蠔。主菜芝士焗牛柳，牛柳嫩滑又juicy, 加香口嘅焗芝士，非常出色。煎鱈魚配牛油果汁，魚夠滑唔腥，但牛油果汁無咩味。甜品野莓雪芭，酸甜清新，消滯。意大利芝士杯，芝士香滑，唔太甜，有咖啡酒香味。總括環境不錯，服務正正常常，唔算太平，但食生蠔同牛柳值回票價。遇著閒日放假嘅話，係嘆lunch 好選擇。