談風：vs：再說 (已結業)

個名咁有詩意，我依個偽文青就俾佢吸引左，即刻覺得個名想表達談笑風生，擇日再說，食肆黎講真係靚名。（利申係我估既）不過地理位置都幾隱世，沿途都係車廠，有不少車泊係路邊，唔專門搵都唔會知，上到去就會見到，門口幾部單車同舊香港既擺設裝修， 就好似由繁忙既街道，踏入以前舊香港既世界，菜式都算西餐，以前舊香港食西餐都非富則貴，依次仲唔幻想自己係貴公子！菜單菜式好似會定期更換的。今次我叫左雞肉配玫瑰泡沫咖啡～首先上既係暖粒粒脆卜卜既麥包。咖啡其實我唔識飲，好似有玫瑰味又好似冇。主菜黎到雞+栗米餅，首先雞肉十分嫩口，配上忌廉，同栗米汁，而且加上孜然同蒜頭，味道再多一點層次！至於栗米餅，炸得好好，外面好脆，內裏軟綿綿好似蛋糕咁，不過冇乜味，要沾多d忌廉同栗米汁先覺得好食～環境同食物既關係，好快就食完，其實想再叫多份甜品食，可惜餐廳既甜品同正餐一樣，唯有下次有機會先再試啦！