% Arabica (鴨巴甸街) (已結業)

今日忙裡偷閒，決定做個偽文青，行吓PMQ。咪住，對面竟然開咗間Coffee shop，呢個brand之前每次經過IFC都大排長龍，難得仲有位坐，即刻變身做個咖啡控！呢間舖裝修以白色同木為主調，我不禁FF自己去咗東京表參道~ D staffs冇乜表情，星巴克同PCC嘅staffs仲好過佢哋，睇吓咖啡質素會唔會幫佢加返分。除咗有大路意式咖啡，仲有single origin，今次揀咗埃塞俄比亞嘅耶卡雪夫。不過有d奇怪，可能我孤陋寡聞，我揀single origin佢問我想點整，可以用嚟做意式咖啡，如果做latte嗰d咪冇晒原本隻豆嘅味囉？Any肥，Americano吖唔該。咖啡到手，聞落有陣好豐富嘅香橙味，after taste就有陣桃嘅味道，同少少朱古力味。等杯咖啡個溫度稍為下降左之後，after taste就變咗做白提子嘅味。總結就係性價比幾高，50蚊左右有杯Grande嘅signle origin，仲有大量影相位，值得一去。