牧羊少年咖啡館 (已結業)

平日無咩書卷味嘅我，上網見到個餐廳名就想去試，'牧羊少年'又似書名又似戲名令人多一種思考，去到門口見到好多書本包圍住間餐廳，令平日唔睇書嘅我都忍唔住攞上手睇睇坐底後有一種令人relax嘅感覺，唔會好似平日D餐廳咁趕住落單趕住做第2枱客慢活嘅感覺。2個人叫咗個卡邦尼長通粉，味道唔錯夠香但汁又唔會傑撻撻通粉個硬度剛剛好，一個黑椒蜜糖牛柳粒，就算個牛熟灑都唔會韌，加埋面淋咗蜜糖甜甜地都幾好味，再叫咗個蜜糖雞翼，依個蜜糖係同埋雞翼係個鍋到兜嘅，因為咬個雞翼個陣個蜜糖係脆脆地，配碟嘅沙律菜都好新鮮。再每人叫咗杯嘢飲，一杯普通嘅凍檸茶嚟度佢哋把檸檬擺到好似花咁好靚呀，再揀咗杯熱摩卡，面嘅cream係凍嘅，第一啖飲落去面就凍凍地但個咖啡又熱有一種驚喜，朱古力味夠濃又飲到咖啡味。