Urban Coffee Roaster (已結業)

今日同友人係銅鑼灣行街，行經一間傢俬店睇中左張櫈買俾我家貓主子，咁岩見到這間傢俬店有一間cafe，見行到攰攰地又肚餓，所以就入去食個dinner!餐廳不大，咖啡種類很多，食物選擇都唔算少！我們點了一份沙律、意粉、飯、甜品同兩杯飲品！煙三文魚西洋菜沙律($118)，第一次食西洋菜沙律，原來都幾好食架喎！西洋菜夠嫩唔老，食落去爽口，帶有少少苦澀味！用上芝麻醬拌勻，加上牛油果同埋牛蒡，幾中日西既配搭，幾者加埋好match!明太子忌廉意粉配烤烏魚籽($168)，這個意粉的確有少許普通，但味道都好夠，明太子已經拌入忌廉當中，帶有少少咸，唔會太傑，所以唔會話食到好滯！日式漢堡扒飯($168)，漢堡扒都幾厚幾大份，醬汁夠多，酸酸甜甜，用黎送飯一流！漢堡扒肉質鬆軟，好有手打的感覺！白飯是珍珠米，上面還有些蔥粒，好日式的感覺！濃厚軟心抹茶卷($58)，抹茶卷中間的cream唔會好漏，抹茶醬比較多，有淡淡的抹茶澀味，整件唔會太甜！Cold Brew($48)，雖然係冰滴，冰溶咗都有好濃咖啡味，飲落好順口，唔會死苦。聞落有果香同少少酒香。matcha latte($42)，唔甜，有淡淡的抹茶苦澀味，都幾滑，