麥兆記(祖傳)廣州雲吞麵 (已搬遷) 新店位置

在附近泳池曬完太陽, 曬到有點頭赤赤好似冇飯開, 便行過就來食個麵先返屋企. 下午三點幾四點, 都要搭檯, 都咪話少人. 大熱天時當然不會吃粥, 而且此店主打雲呑麵, 就要個雲吞麵加淨水餃. 麵爽雲吞細細隻, 散尾貨式, 皮滑餡料平均, 沒有妹仔大過主人婆之意. 湯底清甜也有淡淡大地魚鮮味, 賣廿元也很合理. 至於水餃大隻, 有麻油在上面, 更香; 餡料幾豐富, 皮也比媽打在街市買的水餃更少梘水, 掂!湯清冇咩師傅, 在個人而言, 好食過有家族關係既麥奀.