影片
更多
2023-05-03
65 瀏覽
凱匯食牛角食厭左，今日試下上海野，餐廳屬於擔擔麵名店詠黎園，以前食過詠黎園黃大仙本店，裝潢比較平民，呢到光猛D而且坐得比較舒服。紅油水餃($48/6粒)，餃子為菜肉餡，多菜小肉，餡料SIZE正常，唔算大粒，紅油汁入口小小甜，後勁帶辣，配埋蒜蓉撈勻食十分開口。口水雞($88)，份量頗多，成隻雞髀再加胸位，雞件帶小小酒香，肉質緊緻唔會過老。口水汁入口頗辣，雞件面頭有小小辣椒及花生碎增添口感及味道，略縑油味重左小小。改良擔擔麵($52)，改良版即普通擔擔麵加上肉醬，擔擔麵本身湯底夠濃夠杰，入口帶花生及麻醬香，湯汁十分掛麵，加上肉碎增加口感及肉既味道，麵條帶小小彈牙，整體味道唔錯。排骨雙王炒麵($98)，即係兩面黃，拉麵炸脆後淋上芡汁，入口香脆惹味，芡汁帶蠔油香，類似上海粗炒果個汁，整體幾夾。開頭以為係一粒粒排骨，點合係炸豬排，好彩炸得幾好，肉質唔嚡而且邊位香脆。整體味道中上水準，個人建議食番餐廳既拿手菜擔擔麵、鍋貼小籠包，味道保持到本店水準之餘又坐得舒服D。
紅油水餃($48/6粒)，餃子為菜肉餡，多菜小肉，餡料SIZE正常，唔算大粒，紅油汁入口小小甜，後勁帶辣，配埋蒜蓉撈勻食十分開口。
口水雞($88)，份量頗多，成隻雞髀再加胸位，雞件帶小小酒香，肉質緊緻唔會過老。口水汁入口頗辣，雞件面頭有小小辣椒及花生碎增添口感及味道，略縑油味重左小小。
改良擔擔麵($52)，改良版即普通擔擔麵加上肉醬，擔擔麵本身湯底夠濃夠杰，入口帶花生及麻醬香，湯汁十分掛麵，加上肉碎增加口感及肉既味道，麵條帶小小彈牙，整體味道唔錯。
排骨雙王炒麵($98)，即係兩面黃，拉麵炸脆後淋上芡汁，入口香脆惹味，芡汁帶蠔油香，類似上海粗炒果個汁，整體幾夾。開頭以為係一粒粒排骨，點合係炸豬排，好彩炸得幾好，肉質唔嚡而且邊位香脆。
整體味道中上水準，個人建議食番餐廳既拿手菜擔擔麵、鍋貼小籠包，味道保持到本店水準之餘又坐得舒服D。
張貼
