千歲擔擔麪

營業中

休息中

自裕民坊重開後，當中有唔少新開食肆，一樓平台花園更富有特色。滿滿綠化環境，不似繁忙既觀塘區。#千歲擔擔麪 主打京川滬菜，相對於附近價錢親民!!入座後，店員隨即問開咩茶，有普洱同香片選擇。並推薦擔擔麵為必食之選!!詠藜園擔擔麵$43擔擔麵有分傳統同改良版，辣度更可自由選擇，一上枱已經嗅到超濃郁芝麻花生醬。湯底濃郁，配上彈牙爽口麵條，仲有少少肉碎!!楊家小籠包$48剛剛蒸出嚟熱氣騰騰，每隻都好飽滿，咬開粉皮，有湯汁流出，配上醋汁一齊食，好味。咕嚕肉$93咕嚕肉都做得大碟，卷住少量蛋汁落油鑊炸，所以係啖啖肉，配菜有好爽口洋蔥同青红椒。酸酸甜甜嘅小菜， 送飯一流。咸肉津白$88火腿味道咸香、津白熬到軟林林，好岩老人家食，食落肚仲暖笠笠同友人食到好飽, 下次黎要再試埋佢地既甜品。