龍媽媽糕點

營業中

休息中

年近歲晚又係時候團年，一家人開開心心食飯，又點可以缺少甜品，經過呢間中式糕點舖，糕點精美之餘，亦啱老人家食，就一於買返去團年啦。餐廳有好多款糕點選擇，全部都係自家製，$20三件可以自由配搭，仲有依家好難搵到嘅「菲林卷」。六件糕點揀咗四款，揀咗紅豆糕、椰汁桂花糕、椰汁班蘭千層糕同芝麻糕，可惜最想食嘅眉豆糕已經賣晒，四款當中最喜歡椰汁班蘭千層糕，班蘭味好香，同椰汁香味相輔相成；椰汁桂花糕椰汁味香濃，桂花味好清新，長輩們最喜歡；紅豆糕相當足料，粒粒紅豆非常有咬口。3.6牛乳芝麻糕 :賣相好靚，黑白層次分明，入口芝麻味香濃，亦都食到淡淡嘅牛奶味。砵仔糕 :有好多紅豆，口感煙韌彈牙，味道唔太甜，微微加熱之後更加好味。椰汁西米紫米露 :糖水中最愛紫米露，入口好香滑，紫米及西米都煙韌有咬口，值得一讚嘅係餐廳會畀額外嘅椰奶，加咗之後入口更香。