影片
更多
2023-02-25
259 瀏覽
係傳統既味道呀，想食中式糖水一定會諗起佢😄😄(10分為滿分：🌕）味道：🌕🌕🌕🌕🌕🌕🌕🌖🌑🌑濃薑蕃薯糖水($26)呢到既蕃薯糖水完全冇違反商品條例，因為佢啲薑味真係濃到佢認第二，無人敢認第一😂😂一上枱金黃既蕃薯🍠加埋噴曬煙已經好吸引，一飲第一啖直情薑到我叫左出黎😂真係未食過咁薑既糖水🙈🙈冬天食暖身一流，食完都覺得好似好養生咁🤭不過食到中間已經愈食愈辣，最後都係食唔曬😂😂同埋啲蕃薯有幾舊唔夠lum，扣左啲啲分🥲芋茸蓮子西米露($26)呢個都係好多人叫既一款，仲要比我留意到當日叫既咁岩清一色都係男士😂😂女士就食芝麻糊/蕃薯糖水多😛😛呢個有驚喜，佢既芋茸超綿滑，又好重芋頭味，覺得好真才實料既感覺，不過都煲得好好，如果有啲芋頭粒粒口感會仲正🤭🤭價錢：🌕🌕🌕🌕🌕🌕🌕🌕🌑🌑上次食過尖沙咀個間開心果露要$48，用呢個價錢係呢到就可以食到2碗😂😂同埋每碗糖水都好大碗，夠足料，呢間價錢完全係抵食🤭🤭交通：🌕🌕🌕🌕🌕🌕🌕🌕🌑🌑係佐敦啲橫街入面，唔算好入，都近大馬路，所以都好方便同易搵，巴士地鐵都勁易去到，泊車就唔好諗喇😂😂附近又多餐廳，最岩食完晚餐再嘆多碗糖水先返屋企🫣🤩🤭環境：🌕🌕🌕🌕🌕🌕🌕🌕🌑🌑呢間鋪頭
(10分為滿分：🌕）
味道：🌕🌕🌕🌕🌕🌕🌕🌖🌑🌑
濃薑蕃薯糖水($26)
呢到既蕃薯糖水完全冇違反商品條例，因為佢啲薑味真係濃到佢認第二，無人敢認第一😂😂一上枱金黃既蕃薯🍠加埋噴曬煙已經好吸引，一飲第一啖直情薑到我叫左出黎😂真係未食過咁薑既糖水🙈🙈冬天食暖身一流，食完都覺得好似好養生咁🤭不過食到中間已經愈食愈辣，最後都係食唔曬😂😂同埋啲蕃薯有幾舊唔夠lum，扣左啲啲分🥲
芋茸蓮子西米露($26)
呢個都係好多人叫既一款，仲要比我留意到當日叫既咁岩清一色都係男士😂😂女士就食芝麻糊/蕃薯糖水多😛😛呢個有驚喜，佢既芋茸超綿滑，又好重芋頭味，覺得好真才實料既感覺，不過都煲得好好，如果有啲芋頭粒粒口感會仲正🤭🤭
價錢：🌕🌕🌕🌕🌕🌕🌕🌕🌑🌑
上次食過尖沙咀個間開心果露要$48，用呢個價錢係呢到就可以食到2碗😂😂同埋每碗糖水都好大碗，夠足料，呢間價錢完全係抵食🤭🤭
交通：🌕🌕🌕🌕🌕🌕🌕🌕🌑🌑
係佐敦啲橫街入面，唔算好入，都近大馬路，所以都好方便同易搵，巴士地鐵都勁易去到，泊車就唔好諗喇😂😂附近又多餐廳，最岩食完晚餐再嘆多碗糖水先返屋企🫣🤩🤭
環境：🌕🌕🌕🌕🌕🌕🌕🌕🌑🌑
呢間鋪頭都有好多年歷史，記得好多年前讀緊大學已經食過好多次，一入到去就見佢拎左好多年米芝蓮獎😝😝鋪頭唔大，但佢唔會為左賺多啲錢放好多張枱，枱同枱之間有足夠空間，環境都乾淨，所以食得幾舒服嫁😌😌
性價比：🌕🌕🌕🌕🌕🌕🌕🌕🌑🌑
人愈大就唔鍾意食凍既甜品，反而會想食傳統中式糖水，但要搵到一間好味又足料既都唔係話易呀🥲呢間我覺得性價比唔錯，價錢唔貴，糖水款式都多，每碗都足料，包你食完捧住個肚走🤣🤣🤣😁
佳佳甜品 (佐敦)
佐敦寧波街29號地舖
張貼
