影片
更多
2020-03-05
1274 瀏覽
以前喺上環返工嘅時候，間中都會過去「鳳城」飲下茶，不過自從調咗寫字樓，已經好耐無去。今日約咗個舊同事嚟荃灣攞嘢，順便一齊食晏，見愉景新城新開左間「鳳城 1954」，所以專誠過去試下。新店走 Casual Dining 的順德菜路線，店內地方頗大，空間感十足。裝潢除左揉合多種時代感設計外，亦保留了一些古典特色，加上座位編排得十分鬆動，完全擺脫一般茶樓的侷促格局，感覺相當年輕化。我哋點左幾款點心同一個甜品，先來的麻醬手撕雞 ($58) 味道很清新，雞絲有咬口又夠入味，拌入的麻醬，份量不會過多，吃落不覺溜滯，再加埋墊底的青瓜同紅蘿蔔絲，更覺醒胃。紫砂茶壺燉螺頭湯 ($58/位)：螺頭湯以紫砂茶壺盛上，客人可先嘗湯底，後嘗食材。湯水很清甜，味道香醇。撈起湯料看看，除了有雞腳、雞件、圓肉、瘦肉和螺頭外，還有瑤柱、火腿，杞子及陳皮等，燉湯盡收食材的營養精華，潤而不燥，適合用作補身。1954蝦多士 ($20/件)：多士以新鮮麵包製作，面頭放上了起雙飛的明蝦，再炸至金黃色，入口甘香酥脆，毫不油膩，蝦隻仍爽口，沾上沙律醬，食味更佳，絕對值得一試。鮑魚鮮竹葉糯米雞 ($39)：估唔到隻糯米雞造型咁精緻，以
新店走 Casual Dining 的順德菜路線，店內地方頗大，空間感十足。裝潢除左揉合多種時代感設計外，亦保留了一些古典特色，加上座位編排得十分鬆動，完全擺脫一般茶樓的侷促格局，感覺相當年輕化。
我哋點左幾款點心同一個甜品，先來的麻醬手撕雞 ($58) 味道很清新，雞絲有咬口又夠入味，拌入的麻醬，份量不會過多，吃落不覺溜滯，再加埋墊底的青瓜同紅蘿蔔絲，更覺醒胃。
紫砂茶壺燉螺頭湯 ($58/位)：螺頭湯以紫砂茶壺盛上，客人可先嘗湯底，後嘗食材。湯水很清甜，味道香醇。撈起湯料看看，除了有雞腳、雞件、圓肉、瘦肉和螺頭外，還有瑤柱、火腿，杞子及陳皮等，燉湯盡收食材的營養精華，潤而不燥，適合用作補身。
1954蝦多士 ($20/件)：多士以新鮮麵包製作，面頭放上了起雙飛的明蝦，再炸至金黃色，入口甘香酥脆，毫不油膩，蝦隻仍爽口，沾上沙律醬，食味更佳，絕對值得一試。
鮑魚鮮竹葉糯米雞 ($39)：估唔到隻糯米雞造型咁精緻，以竹葉包裹，賣相極富日式風情。糯米雞內超多餡，有冬菇和原隻小鮑魚等，用料十足，糯米吸滿了鮑魚的精華，入口惹味非常。
金光炸粉果 ($32)：炸粉果是「鳳城」招牌點心，當然唔可以錯過。粉果炸至色澤金黃，略浸在上湯後品嘗，吃起來外皮微脆，內裡軟糯，加上入面嘅蝦肉同冬菇碎，咬下又腍又脆，口感非常豐富。
古法灌湯餃 ($32)：灌湯餃一籠雖然只得一隻，不過 Size 非常巨型，大大隻，黃色的餃皮煙煙韌韌，餃內是用雞骨熬成的香甜雞湯，湯跟餃皮同食，入口皮薄湯甜，加埋浙醋，口感甚佳。
鳳城餃餃者 ($36)：所謂鳳城餃餃者即係鳳城水餃，水餃一共有四大粒，隻隻餃皮都很通透，入面包住滿滿的木耳絲、筍絲和鮮蝦等，食落彈牙又有嚼勁，配上爽脆的生菜及濃淡得宜的湯底，美味。
壓尾的甜品點了西米焗布甸 ($28)，呢個下午茶特價點心，比正價平 $8，十分抵食。個布甸上桌時仍熱騰騰，聞起來香噴噴，非常對辦，西米焗得非常香滑，蓮蓉起砂，入口甘香甜膩， 食完真係超滿足。
張貼
