名館 (黃埔天地) (已結業)

首先要讚一讚，香港人都係冇乜耐性。而呢間餐廳上菜速度非常之快！唔怕要等好耐呢個係奶黃包，本身黑色嘅皮已經好型，再加埋金色嘅顏料簡直係潮到爆！咕嚕肉 份量都幾多。唔會整得太鹹， 一陣就清左碟！個肉唔會乾身，多juicy!睇清楚啲呢碟係乜嘢，其實係口水雞！ 值得讚嘅地方係上面嘅香料、花生分量都好多。足以遮蓋咗全部嘅雞，花生同香料炒得好香，令個口水雞加哂分！炸蝦卷， 佢同一般嘅春卷唔同嘅地方，就係佢入面加咗好多菜。令到即使係油炸野，都唔會覺得好油膩，呢個設計幾好，食多兩件都唔怕！五彩麵，呢個面特別嘅地方係啲面係有唔同顏色。同台嘅老人家食得好開心！雞絲粉皮，呢度雞絲嘅份量比較多，平時出去食得幾條喺上面，食得唔過癮！記住食之前要撈勻啲，因為本身個醬比較傑身，無撈好會太鹹。小籠包， 呢度嘅小籠包啱啱出爐就上枱，非常夠熱！好多汁，另外個皮做得好薄，要讚！ 要留意嘅就係要小心啲夾。因為同枱都人夾穿左，流曬啲肉汁，咁就唔抵啦。呢個泡飯setting好有型，用一個傳統嘅明火爐一路煲住，食到後尾都仲係好熱！ 始終中式食物都係夠熱先好食！個湯都好夠味！