土司工坊 (PopCorn) (已結業)

土司工坊，來自新加坡的品牌，主打南洋咖啡及土司，今日就試下佢哋嘅早餐先。內裡裝修以五、六十年代裝飾為主，有懷舊feel。上午10點左右黎到，唔使等位。早餐分為土司套餐同公仔麵套餐兩大類。1. 傳統土司套餐($43) ，2隻煎蛋，迷你通粉及茶走。煎蛋、通粉同茶走三者都普普通通，而土司即烘脆口，可算係全個餐最好嘅一樣。2. 芝士火腿蛋土司餐($43)，麥皮及咖走。麥皮同咖走同樣無特別，而個芝士火腿蛋土司個賣相同餐牌都好大出入，芝士份量少，做唔到拉絲效果。整體來講，兩個餐好一般本港茶記感覺，食唔出南洋味道。