影片
更多
2019-03-21
127 瀏覽
依間台式餐廳以小菜同小炒為主,裝修格調有D似中式酒樓,小菜嘅款式多樣,有好多唔同嘅選擇。蚵仔煎係我每次只要去到台灣都必食嘅夜市美食,估唔到依度都有,諗都唔使諗當我大左。不過就同台灣嘅有少少分別,依度嘅比較似蚵仔煎蛋,不過蛋味好香,蚵仔份量超多,每一啖都食到,仲加大量蔥粒令口感味道更有層次。三杯雞又係另一道台灣名菜,比較重口味嘅一道菜,好香麻油同薑蔥味。雞肉嫩滑,醬汁香濃,仲有九層塔嘅獨特香氣。屏東小炒王好豐富,有韭菜花,蝦乾,魷魚鬚,鹹肉,夠晒有鑊氣,用嚟送飯一流。脆皮大腸同平時係街邊食開嘅炸大腸味道差唔多,不過裏邊嘅脂肪被清理過,冇咁多。食落更香脆而且冇咁邪惡。當然唔少得食滷肉飯,滷肉大大嚿又入味,肥肉同廋肉比例啱啱好,滷肉嘅脂肪入口即溶,雖然感覺好邪惡但係食落一D都唔膩。
蚵仔煎係我每次只要去到台灣都必食嘅夜市美食,估唔到依度都有,諗都唔使諗當我大左。不過就同台灣嘅有少少分別,依度嘅比較似蚵仔煎蛋,不過蛋味好香,蚵仔份量超多,每一啖都食到,仲加大量蔥粒令口感味道更有層次。
三杯雞又係另一道台灣名菜,比較重口味嘅一道菜,好香麻油同薑蔥味。雞肉嫩滑,醬汁香濃,仲有九層塔嘅獨特香氣。
屏東小炒王好豐富,有韭菜花,蝦乾,魷魚鬚,鹹肉,夠晒有鑊氣,用嚟送飯一流。
脆皮大腸同平時係街邊食開嘅炸大腸味道差唔多,不過裏邊嘅脂肪被清理過,冇咁多。食落更香脆而且冇咁邪惡。
當然唔少得食滷肉飯,滷肉大大嚿又入味,肥肉同廋肉比例啱啱好,滷肉嘅脂肪入口即溶,雖然感覺好邪惡但係食落一D都唔膩。
張貼
