川府宴 (已結業)

永光中心頂樓，開左無幾耐既川菜，估唔到去到七點半左右，會滿坐之餘，重要有唔少街客上到黎碰運氣睇吓有冇位，真係非常之利害。呢度有得打邊爐，不過覺得除咗湯底比較特別之外，仲有川菜，所以就試左川菜啦。嚟到當然要食傳統嘅川菜啦，點菜嗰陣時侍應已經問我地要乜嘢辣度，我同佢講只係食到微辣，最後每一道菜辣度都控制得好好。最好食係大䓤爆炒排骨非常之有鑊氣，啲排骨非常之嫩滑，大䓤好香，加埋濃濃既醬汁，送飯一流。麻婆豆腐，又係一款好好嘅餸飯菜，紅紅既醬汁，小小麻，唔太辣，非常之香。萵筍切最軟既蕊黎炒，好爽脆。