大澳德發 (已結業)

我真係好鐘意食茶餐廳同小菜啊🤤貪佢新鮮又夠穫氣！上網見呢間餐廳好多正評，一於放工搭叮叮去試下。一睇menu發覺價錢比想像中平，平均每個小菜一百頭就有交易，但又唔會將貨就價，實在要encore!油鹽水浸北寄貝大約有8隻，每隻都手掌心咁大，超肥美，勁新鮮！個粉絲底吸收左北寄貝既鮮甜，又有湯底既精華，簡直驚為天人。另外仲可以將北寄貝換做黃金蜆，同樣值得一試😍冰鎮咕嚕肉呢個係徳發嘅拿手名菜之一,鍾意食咕嚕肉嘅朋友一定要試吓!咕嚕肉嘅份量好多非常之抵食。佢個汁煮酸酸甜甜好開胃，加上佢有擺冰係咕嚕肉既上面，令外皮迅速降溫，達到好脆皮既效果西蘭花炒金莎帶子帶子切薄片然後沾上炸粉及咸蛋王碎，好香口！相信味道對於有食開咸蛋王炸物既你地並唔感到陌生！帶子份量好多，兩個人食比較漏，所以配埋西蘭花好夾，一黎有綠色蔬菜成碟餸顏色好睇左，二黎可以中和油膩感。必食！金磚脆豆腐拼炸墨魚餅原本想點炸墨魚嘴，但賣晒😭所以都想點返一樣炸物，就揀左炸豆腐粒拼墨魚餅。唔好睇炸豆腐好似好簡單，呢味絕對食得出餐廳水準，炸豆腐好容易大濕而fail! 但呢度既炸豆腐粒粒分明，乾身，面頭既炸漿仲有芝蔴，絕不馬虎，外脆內軟！而墨魚餅就超！