段純貞牛肉麵 (MONTEREY Place)

營業中

休息中

住係將軍澳咁耐都唔知有間咁好食既台灣牛肉麵。講緊既係過江龍段純貞。餐廳係將軍澳DON DON DONKI分店樓下，所以好易搵到。裝修簡約，古色古香。侍應服務非常之好。揀咗招牌嘅蕃茄半筋半肉手工麵，湯底非常之濃郁，而且每條麵都有掛汁嘅效果。半筋半肉已經炆到輕輕一咬就分開，肉味香濃啲筋係軟化既狀態。而胡椒湯酸菜雞麵更加驚喜，雞髀位嫩滑入味，酸菜湯配上麵食恰到好處。而且份量啱啱好。兩款湯底好唔同蕃茄濃湯食得出牛骨熬製好重好濃嘅味道配上牛肉感覺好滿足，而胡椒湯睇落清淡實質酸味胡椒的辛辣也是入口舒服。去過食台灣食嘢一定知道鹽酥雞同埋三星蔥餅係佢哋嘅明物。段純貞都有呢兩款小食，我好掛住台灣，所以一定要叫。鹽酥雞香濃，酥脆上面嘅鹽酥鹹得黎帶少少胡椒粉的辛辣味道越食越開胃。而三星蔥肉鍋餅，上枱熱辣辣，青蔥嘅香味散發而且熟左既三星蔥食落去係好甜㗎。叫上兩杯台灣嘅珍珠奶茶和手搖飲品，咁先係完美嘅一餐。